ఈవీఎంల భద్రతకు పకడ్బందీ ఏర్పాట్లు

ఈవీఎంలకు భద్రతా ఏర్పాట్లు పకడ్బందీగా ఉండాలని జిల్లా ఎన్నికల అధికారి, కలెక్టర్‌ వీపీ గౌతమ్‌ అధికారులకు సూచించారు. లోక్‌సభ ఎన్నికల్లో వినియోగించిన ఈవీఎం, వీవీప్యాట్‌ యంత్రాలను కలెక్టరేట్‌ ఆవరణలోని ఈవీఎం గోదాముకు బుధవారం తీసుకొచ్చారు.

• ఆర్‌వోలు సరిచూసుకోవాలి: కలెక్టర్‌ వీపీ గౌతమ్‌

మామిళ్లగూడెం, జూన్‌ 5: ఈవీఎంలకు భద్రతా ఏర్పాట్లు పకడ్బందీగా ఉండాలని జిల్లా ఎన్నికల అధికారి, కలెక్టర్‌ వీపీ గౌతమ్‌ అధికారులకు సూచించారు. లోక్‌సభ ఎన్నికల్లో వినియోగించిన ఈవీఎం, వీవీప్యాట్‌ యంత్రాలను కలెక్టరేట్‌ ఆవరణలోని ఈవీఎం గోదాముకు బుధవారం తీసుకొచ్చారు. రాజకీయ పార్టీల ప్రతినిధుల సమక్షంలో భద్రపరచి గదులకు తాళ్లతో సీల్‌ వేశారు. ఈ సందర్భంగా కలెక్టర్‌ మాట్లాడుతూ.. భద్రపరిచిన ఈవీఎంలను రిటర్నింగ్‌ అధికారులు లెక్కించి సరి చూసుకోవాలని సూచించారు. అసెంబ్లీ నియోజకవర్గాల వారీకి కేటాయించిన గదుల్లో భద్రపరిచాలని ఆదేశించారు. అనంతరం జిల్లా ఖజానా కార్యాలయంలో ఉన్న స్టాట్యూటరీ కవర్లు, వీవీప్యాట్‌ స్లిప్పులు ఈవీఎం పేపర్లు, 17 సీ, పీవో డైరీ తదితర పత్రాలను పరిశీలించారు. కేఎంసీ కమిషనర్‌ ఆదర్శ్‌ సురభి, అదనపు కలెక్టర్‌ సత్యప్రసాద్‌, అధికారులు రాజేశ్వరి, వెంకటేశ్వర్లు, శ్రీనివాసరావు, స్వామి, రాంప్రసాద్‌, పార్టీల ప్రతినిధులు బ్రహ్మ య్య, రాజేశ్‌, నాగరాజు, కృష్ణప్రసాద్‌, సుబ్బారావు పాల్గొన్నారు.