రాంపురం పాఠశాలలో ఘనంగా బతుకమ్మ వేడుకలు

చుంచుపల్లి మండలంలోని రాంపురం గ్రామ ప్రాథమిక పాఠశాలలో బతుకమ్మ వేడుకలను శుక్ర‌వారం ఘనంగా నిర్వహించారు. ఈ సందర్భంగా గ్రామస్తులు, మహిళలు..

చుంచుపల్లి, అక్టోబర్ 09 : చుంచుపల్లి మండలంలోని రాంపురం గ్రామ ప్రాథమిక పాఠశాలలో బతుకమ్మ వేడుకలను శుక్ర‌వారం ఘనంగా నిర్వహించారు. ఈ సందర్భంగా గ్రామస్తులు, మహిళలు, విద్యార్థుల తల్లిదండ్రులు పిల్లలతో కలిసి బతుకమ్మ పాటలు పాడుతూ, నృత్యాలు చేస్తూ సందడి చేశారు. పాఠశాల ప్రాంగణం పండుగ వాతావరణంతో కళకళలాడింది. ఈ కార్యక్రమంలో పాఠశాల ఉపాధ్యాయులు జె.బాలు, పాఠశాల కమిటీ చైర్మన్ వేముల నరసింహారావు, పులిచర్ల శివకృష్ణ, జానకి, కట్ల సుమలత, శిరీష, రజిత పాల్గొన్నారు.