‘ఇల్లెందు తాగునీటి సమస్యను పరిష్కరించాలి’

ఇల్లెందు పట్టణంలో తరచుగా వస్తున్న తాగునీటి సమస్య, పైప్‌లైన్ లీకేజీని నియంత్రించాలని సిపిఎం శ్రేణులు రోడ్డుపై నిరసన కార్యక్రమం నిర్వహించారు. శుక్రవారం ఇల్లెందు మున్సిపాలిటీ పరిధిలో సాహితీ కాలేజీ రోడ్డులో లీకేజీని అరికట్టడంలో...

– తాగునీటి సమస్య, పైప్‌లైన్ లీకేజీని నియంత్రించాలని సిపిఎం ఆధ్వర్యంలో నిరసన

ఇల్లెందు, అక్టోబర్ 23 : ఇల్లెందు పట్టణంలో తరచుగా వస్తున్న తాగునీటి సమస్య, పైప్‌లైన్ లీకేజీని నియంత్రించాలని సిపిఎం శ్రేణులు రోడ్డుపై నిరసన కార్యక్రమం నిర్వహించారు. శుక్రవారం ఇల్లెందు మున్సిపాలిటీ పరిధిలో సాహితీ కాలేజీ రోడ్డులో లీకేజీని అరికట్టడంలో మున్సిపాలిటీ వైఫల్యం, నిర్లక్ష్యం కార‌ణంగా రోజు 1,500 మంది పిల్లలు అవస్థలు పడుతున్న‌ట్లు పేర్కొంటూ సిపిఎం నాయకులు రోడ్డుపై నీళ్లు ఉన్నచోట నిరసన తెలిపారు. ఈ సందర్భంగా వారు మాట్లాడుతూ.. స్థానిక 15వ వార్డులోని మెయిన్ రోడ్డు నుండి సాహితీ కాలేజీ మార్గదర్శిని ఇంగ్లీష్ మీడియం స్కూల్‌కు వెళ్లేదారిలో గత నెల రోజులుగా మున్సిపాలిటీ పైప్ లైన్ లీకేజీ ఫలితంగా రోజూ 1,500 మంది పిల్లలు అవస్థలు పడుతున్న‌ట్లు తెలిపారు.

మంత్రి మండలి ప్రత్యేక కమిటీ వేసినా త‌మ‌ మున్సిపాలిటీకి పట్టదా, ఇప్పటికైనా మున్సిపాలిటీ అధికారులు, పాలకవర్గం స్పందించి నీటి లీకేజీని నిలుపుదల చేయాలని డిమాండ్ చేశారు. ఎల్‌నినో ఫలితంగా ప్రతి నీటి బొట్టును రక్షించండి, కాపాడండి, పొదుపు చేయండి అని ఓ వైపు ముఖ్యమంత్రి ప్రకటనలు ఇస్తుంటే మరోవైపు ఇల్లెందు మున్సిపాలిటీ పరిధిలో పైపులైను ఎక్కడపడితే అక్కడ లీకేజీలు అవుతున్నా పట్టించుకోవడం లేదని సిపీఎం జిల్లా నాయకులు అబ్ధుల్ నబి, పార్టీ మండల కార్యదర్శి ఆలేటి కిరణ్ కుమార్ ధ్వ‌జమెత్తారు. ఈ కార్యక్రమంలో మన్యం మోహన్ రావు, షేక్ ఖాదర్ మాదారపు వెంకటేశ్వర్లు, రాజయ్య పాల్గొన్నారు.