తడి, పొడి చెత్త సేక‌ర‌ణ‌పై విద్యార్థులకు అవగాహన

బూర్గంపహాడ్ మండల పరిధిలోని ఇరవెండి గ్రామ పంచాయతీలో స్వచ్ఛ సర్వేక్షన్ మిషన్ గ్రామీణ్ కార్య‌క్ర‌మంలో భాగంగా పాల్వంచ డిగ్రీ కళాశాల విద్యార్థులకు తడి, పొడి, ప్రమాదకర చెత్త సేక‌ర‌ణ‌, వర్మికంపోస్ట్ తయారీ తదితర అంశాలపై..

బూర్గంపహాడ్, మార్చి 18 : బూర్గంపహాడ్ మండల పరిధిలోని ఇరవెండి గ్రామ పంచాయతీలో స్వచ్ఛ సర్వేక్షన్ మిషన్ గ్రామీణ్ కార్య‌క్ర‌మంలో భాగంగా పాల్వంచ డిగ్రీ కళాశాల విద్యార్థులకు తడి, పొడి, ప్రమాదకర చెత్త సేక‌ర‌ణ‌, వర్మికంపోస్ట్ తయారీ తదితర అంశాలపై సర్పంచ్ గుండి బాబూరావు, ఉప సర్పంచ్ మహంకాళి రామారావు బుధవారం అవగాహన కల్పించారు. ఈ అవగాహన కార్యక్రమానికి అడిషనల్ డీఆర్డీఓ రవి, ఎంపీడీఓ జమలారెడ్డి హాజరయ్యారు. పంచాయతీ కార్యాలయం నుండి డంపింగ్ షెడ్ వరకు విద్యార్థులతో ర్యాలీగా వెళ్లి అక్కడ వర్మి కంపోస్ట్ తయారీ, తడి, పొడి చెత్త వేరు చేయడంపై ఎస్పీఎం రేవతి అవగాహన కల్పించారు. సింగిల్ యూజ్ ప్లాస్టిక్ వల్ల కలిగే అనర్ధాలను వివరించి ప్లాస్టిక్ నివారణకు కృషి చేయాలని సూచించారు. ఈ కార్యక్రమంలో పాలకవర్గం సభ్యులు దుర్గ, లక్ష్మి, బత్తుల శిరీష, కరం సామ్రాజ్యం, కార్యదర్శి స్పందన, ఏపీఓ, ఈసీ, టీఏ, ఎఫ్ఎలతో పాటు కళాశాల అధ్యాపకులు, గ్రామ పంచాయతీ మల్టీపర్సస్ వర్కర్లు పాల్గొన్నారు.