SP Mahesh B. Geethe | విధి నిర్వహణ మానవీయమై ఉండాలి.. ఎస్పీ మహేశ్‌ బీ గీతే

ప్రజా సేవలో మానవత్వం, విధి నిర్వహణలో నిబద్ధత పోలీసుల లక్షణమై ఉండాలని ఎస్పీ మహేశ్‌ బీ గీతే అన్నారు. రెండు రోజుల క్రితం మూర్ఛతో పడిపోయిన మహిళను రక్షించే యత్నం సోషల్‌మీడియా, పలు వార్తా కథనాలు వైరల్‌ కాగా మహేశ్‌. బీగీతే కానిస్టేబుల్‌, హోంగార్డును సోమవారం ప్రశంసించి మాట్లాడారు.

• మహిళా రక్షణ యత్నానికి పోలీసులకు ప్రశంస

SP Mahesh B. Geethe | ఎల్లారెడ్డిపేట, నవంబర్‌ 2 : ప్రజా సేవలో మానవత్వం, విధి నిర్వహణలో నిబద్ధత పోలీసుల లక్షణమై ఉండాలని ఎస్పీ మహేశ్‌ బీ గీతే అన్నారు. రెండు రోజుల క్రితం మూర్ఛతో పడిపోయిన మహిళను రక్షించే యత్నం సోషల్‌మీడియా, పలు వార్తా కథనాలు వైరల్‌ కాగా మహేశ్‌. బీగీతే కానిస్టేబుల్‌, హోంగార్డును సోమవారం ప్రశంసించి మాట్లాడారు. ప్రజల రక్షణే లక్ష్యంగా విధులు నిర్వహించడంతో పాటు, ఆపదలో ఉన్న వారికి ఆపన్నహస్తం అందించడం కూడా పోలీసుల ప్రధాన బాధ్యత అన్నారు. మూడు రోజుల క్రితం మండల కేంద్రంలోని మొదటి బైపాస్ రోడ్డుపై ఫిట్స్​‍ వచ్చి అపస్మారక స్థితిలో పడిపోయిన మహిళకు తక్షణ సహాయం అందించి, మానవత్వం చాటుకున్న బ్లూకోట్‌ కానిస్టేబుల్‌ ప్రశాంత్‌, హోంగార్డు శ్రీనివాస్ చారికి సోమవారం జిల్లా పోలీస్ కార్యాలయంలో జిల్లా ఎస్పీ మహేష్‌ బి గితే ప్రోత్సాహకాలు, ప్రశంసా పత్రాలు అందజేసి ప్రత్యేకంగా అభినందించారు.

పోలీసుల విధులు కేవలం శాంతిభద్రతల పరిరక్షణకే పరిమితం కాకుండా, ఆపదలో ఉన్న ప్రజలకు అండగా నిలిచి, అవసరమైన సమయంలో తక్షణ సహాయం అందించడం కూడా పోలీసుల ప్రధాన బాధ్యత అని పేర్కొన్నారు. ప్రతీ పోలీస్ అధికారి, సిబ్బంది మానవత్వం, సేవాభావం, నిబద్ధతతో విధులు నిర్వహించాలని సూచించారు. విధి నిర్వహణలో అప్రమత్తంగా ఉంటూ, సమయస్ఫూర్తితో స్పందించి ప్రజలకు మెరుగైన సేవలందించే సిబ్బందిని ఎప్పుడూ ప్రోత్సహిస్తామని తెలిపారు. పోలీస్ శాఖ ప్రతిష్టను పెంపొందించేలా ప్రతీ ఒక్కరూ బాధ్యతాయుతంగా పనిచేయాలని సూచించారు.