Mallapur | మొగిలిపేటలో ఘనంగా పూర్వ విద్యార్థుల సిల్వర్ జూబ్లీ వేడుకలు

మల్లాపూర్‌ మండలంలోని మొగిలిపేట గ్రామంలోని ప్రభుత్వ ఉన్నత పాఠశాలలో 2001-02 విద్యా సంవత్సరంలో పదో తరగతి విద్యార్థుల ఆధ్వర్యంలో ఆదివారం ఘనంగా సిల్వర్ జూబ్లీ వేడుకలను నిర్వహించారు.

Mallapur | మల్లాపూర్, అక్టోబర్ 25 : మల్లాపూర్‌ మండలంలోని మొగిలిపేట గ్రామంలోని ప్రభుత్వ ఉన్నత పాఠశాలలో 2001-02 విద్యా సంవత్సరంలో పదో తరగతి విద్యార్థుల ఆధ్వర్యంలో ఆదివారం ఘనంగా సిల్వర్ జూబ్లీ వేడుకలను నిర్వహించారు. ఈ సందర్భంగా అప్పటి పూర్వ విద్యార్థులు, ఉపాధ్యాయులు 25 ఏండ్ల తర్వాత చదివిన పాఠశాలకు చేరుకోని అప్పటి తీపి జ్ఞాపకాలు, అనుభూతులు, అనుభవాలను గుర్తు చేసుకోని ఆహ్లాదంగా గడిపారు.

తాము చదివిన పాఠశాలకు తమ వంతు బాధ్యతగా పూర్వ విద్యార్థులందరూ సమిష్టిగా కలిసి పాఠశాల ఆవరణలో నూతనంగా గ్రంథాలయాన్ని నిర్మించి అప్పటి ఉపాధ్యాయులతో ప్రారంభిచడం విశేషం. అనంతరం ఉపాధ్యాయులు, విద్యార్థులందరు కలిసి సహంపక్తి భోజనాలను చేశారు. ఇక్కడ పూర్వ ఉపాధ్యాయులు, విద్యార్థులు తదితరులు పాల్గొన్నారు.