Record Coal Shipment | ఆర్జీ-1 ఏరియా ఓసీపీ-5 రికార్డు స్థాయి బొగ్గు రవాణా.. ఒకే రోజులో 13,681 టన్నుల బొగ్గు డిస్పాచ్‌

సింగరేణి కాలరీస్ సంస్థ, ఆర్జీ-1 ఏరియాలోని గోదావరిఖని ఓపెన్‌కాస్ట్ ప్రాజెక్ట్-5 (ఓసీపీ-5) బొగ్గు రవాణాలో సరికొత్త రికార్డును నెలకొల్పింది. (23.10.2026) ఒక రోజే 9,666 టన్నుల బొగ్గు రవాణా లక్ష్యానికి గాను, ఏకంగా 13,681 టన్నుల బొగ్గును డిస్పాచ్ చేసి నిర్దేశిత లక్ష్యాన్ని అధిగమించింది.

Record Coal Shipment | గోదావరిఖని : సింగరేణి కాలరీస్ సంస్థ, ఆర్జీ-1 ఏరియాలోని గోదావరిఖని ఓపెన్‌కాస్ట్ ప్రాజెక్ట్-5 (ఓసీపీ-5) బొగ్గు రవాణాలో సరికొత్త రికార్డును నెలకొల్పింది. (23.10.2026) ఒక రోజే 9,666 టన్నుల బొగ్గు రవాణా లక్ష్యానికి గాను, ఏకంగా 13,681 టన్నుల బొగ్గును డిస్పాచ్ చేసి నిర్దేశిత లక్ష్యాన్ని అధిగమించింది. లక్ష్యానికి మించి బొగ్గును రవాణా చేసి రికార్డు సాధించడం పట్ల ఆర్జీ-1 ఏరియా జనరల్ మేనేజర్ డీ లలిత్ కుమార్ హర్షం వ్యక్తం చేశారు.

ఈ విజయానికి కృషి చేసిన గని అధికారులు, ఉద్యోగులు, కార్మికులు, యూనియన్ ప్రతినిధులను, కాంట్రాక్ట్ ఉద్యోగులును ఆయన అభినందించారు. ఇదే స్ఫూర్తితో భవిష్యత్‌లోనూ ఉత్పత్తి, రవాణా లక్ష్యాల సాధనలో సమష్టిగా కృషి చేయాలని ఆకాంక్షించారు.ఈ విజయానికి ప్రాజెక్ట్ ఆఫీసర్ డీ రమేష్, ఎస్‌ఓఎం డీ రమేష్ బాబు, అదనపు మేనేజర్ గంధం రాములు, పిట్ సెక్రటరీ జీ ప్రభుదాస్‌తో పాటు గని సిబ్బంది సమన్వయంతో చేసిన కృషి దోహదపడిందని కొనియాడారు.