JCJ Results | మూడు రోజుల వ్యవధిలోనే రెండు కొలువులు.. జూనియర్ సివిల్ జడ్జిగా పెద్దపల్లి యువతి హారిక..!
ఇటీవల విడుదలైన జూనియర్ సివిల్ జడ్జి పరీక్షా ఫలితాల్లో ప్రతిభ చాటి న్యాయమూర్తులుగా ఎంపికై అందరి ప్రశంసలు అందుకుంటున్నారు. వీరిలో వేముల హారిక ప్రత్యేకంగా నిలిచారు.
JCJ Results | పెద్దపల్లి రూరల్, అక్టోబర్ 16: పట్టుదలతో చదివితే లక్ష్యాలను చేరుకోవచ్చని నిరూపించారు పెద్దపల్లి మండలానికి చెందిన ఇద్దరు యువతులు. ఇటీవల విడుదలైన జూనియర్ సివిల్ జడ్జి పరీక్షా ఫలితాల్లో ప్రతిభ చాటి న్యాయమూర్తులుగా ఎంపికై అందరి ప్రశంసలు అందుకుంటున్నారు. వీరిలో వేముల హారిక ప్రత్యేకంగా నిలిచారు. అసిస్టెంట్ పబ్లిక్ ప్రాసిక్యూటర్ (ఏపీపీ)గా ఎంపికైన మూడు రోజుల వ్యవధిలోనే జూనియర్ సివిల్ జడ్జిగా కూడా ఎంపికై మరో విజయాన్ని సొంతం చేసుకున్నారు.
పెద్దపల్లి మండలం రాఘవాపూర్ గ్రామానికి చెందిన వేముల వైకుంఠం, లక్ష్మి దంపతుల కుమార్తె వేముల హారిక ఇటీవల ఏపీపీ పరీక్షల్లో ప్రతిభ కనబరిచి ఆ పోస్టుకు ఎంపికయ్యారు. ఆ ఆనందం నుంచి తేరుకోకముందే గురువారం విడుదలైన జూనియర్ సివిల్ జడ్జి పరీక్షా ఫలితాల్లోనూ సత్తా చాటి న్యాయమూర్తిగా ఎంపికయ్యారు. మూడు రోజుల వ్యవధిలోనే రెండు కీలక విజయాలు సాధించడంతో కుటుంబ సభ్యులు, బంధుమిత్రులు, గ్రామస్థులు హర్షం వ్యక్తం చేస్తున్నారు.
మరో యువతికి జడ్జిగా అవకాశం
పెద్దపల్లి మండలం బ్రాహ్మణపల్లికి చెందిన చిప్ప రాజేశ్వర్, లలిత దంపతుల కుమార్తె చిప్ప సౌమ్య సైతం జూనియర్ సివిల్ జడ్జి పరీక్షల్లో ప్రతిభ కనబరిచి ఎంపికయ్యారు. ఒకే మండలానికి చెందిన ఇద్దరు మహిళలు న్యాయమూర్తులుగా ఎంపిక కావడం స్థానికంగా ఆనందాన్ని నింపింది. వారి విజయంపై పద్మశాలి సంఘం నాయకులు, కులస్తులు, గ్రామస్థులు అభినందనలు తెలియజేస్తున్నారు.
ప్రభుత్వ విప్ విజయరమణారావు అభినందనలు
జూనియర్ సివిల్ జడ్జిలుగా ఎంపికైన వేముల హారిక, చిప్ప సౌమ్యలను ప్రభుత్వ విప్, పెద్దపల్లి ఎమ్మెల్యే చింతకుంట విజయరమణారావు అభినందించారు. వారికి పుష్పగుచ్ఛాలు అందించి, శాలువాలు కప్పి సన్మానించారు. కష్టపడి చదివి ఉన్నత లక్ష్యాలను సాధించిన యువతులు మరెందరికో ఆదర్శంగా నిలుస్తారని ప్రశంసించారు.
Read Today's Latest Karimnagar Karimnagar News in Telugu and Telugu News
RELATED ARTICLES
తాజా వార్తలు
Health tips | మంచినీళ్లు తక్కువ తాగితేనే కాదు.. మరీ ఎక్కువ తాగినా ఆరోగ్యానికి హానికరమే..!
Nepal PM Balen Shah | భారత్ చేరుకున్న నేపాల్ ప్రధాని.. సోమవారం ప్రధాని మోదీతో చర్చలు
Festivals | పండుగల సమయంలో స్వీట్లను ఎక్కువగా తింటే షుగర్ లెవల్స్ ఎప్పటికీ అలాగే ఉంటాయా..?
JEE Main | ఈ రాత్రి 12 గంటలకు ముగియనున్న గడువు.. ఇప్పటికే 13 లక్షలు దాటిన జేఈఈ దరఖాస్తులు..!
Health tips | మీలో ఈ లక్షణాలుంటే ఆలస్యం చేయకుండా థైరాయిడ్ పరీక్షలు చేయించుకోండి..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

