‘కలర్‌’ ఫుల్‌ జోష్‌

ఉమ్మడి కరీంనగర్‌ జిల్లాలో సోమవారం హోలీ సంబురం అంబరాన్నంటింది. ఎక్కడ చూసినా యువత కేరింతలతో సందడి కనిపించింది. యువతీ యువకులు ఉదయాన్నే కలర్‌ డబ్బాలతో బైక్‌లపై తిరుగుతూ కనిపించారు.

• ఉమ్మడి జిల్లాలో హోలీ హంగామా

ఉమ్మడి కరీంనగర్‌ జిల్లాలో సోమవారం హోలీ సంబురం అంబరాన్నంటింది. ఎక్కడ చూసినా యువత కేరింతలతో సందడి కనిపించింది. యువతీ యువకులు ఉదయాన్నే కలర్‌ డబ్బాలతో బైక్‌లపై తిరుగుతూ కనిపించారు. ఈలలు వేస్తూ కేరింతలు కొడుతూ జోష్‌లో మునిగితేలారు. ఫ్రెండ్స్‌ ఇళ్లకు వెళ్లి రంగులు పూసి హంగామా చేశారు. హుషారెత్తించే డీజే పాటల మధ్య డ్యాన్స్‌లతో హోరెత్తించారు.

జగిత్యాలలో ఎమ్మెల్యే సంజయ్‌కుమార్‌, ఎమ్మెల్సీ జీవన్‌రెడ్డి, కరీంనగర్‌లోని కలెక్టర్‌ క్యాంపు కార్యాలయంలో కలెక్టర్‌ పమేలా సత్పతి, ఆమె భర్త దీపాంక్‌ సత్పతి, ఆర్డీవో మహేశ్వర్‌, మేయర్‌ క్యాంపు కార్యాలయం వద్ద మేయర్‌ వై సునీల్‌రావు, పెద్దపల్లిలో అడిషనల్‌ కలెక్టర్‌ శ్యాంప్రసాద్‌లాల్‌, రామగుండంలో సీపీ శ్రీనివాస్‌, సిరిసిల్లలో ఎస్పీ అఖిల్‌ మహాజన్‌ హోలీ సంబురాల్లో మునిగి తేలారు. రంగు నీళ్లల్లో తడిసిముద్దయ్యారు.