Visit:
Home Guard | సిరిసిల్ల తెలంగాణ చౌక్, ఆగస్టు 18: అనారోగ్యంతో బాధపడుతున్న హోంగార్డ్ శివకుమార్ కి జిల్లా పోలీస్ యంత్రాంగం అండగా నిలిచి ఆర్థిక సాయం అందించడం అభినందనీయమని ఎస్పీ మహేష్ బీ గీతే అన్నారు. జిల్లాలో హోమ్ గార్డ్ గా విధులు నిర్వహిస్తూ అనారోగ్యంతో బాధపడుతున్న శివకుమార్ కి జిల్లా పోలీస్ యంత్రాంగం బాసటగా నిలిచి స్వచ్ఛందంగా రూ.55వేలు జమచేసి సోమవారం జిల్లా పోలీస్ కార్యాలయంలో జిల్లా ఎస్పీ మహేష్ బీ గితే చేతుల మీదుగా శివకుమార్ కుటుంబ సభ్యులకు అందజేశారు.
పోలీసుల కుటుంబాలకు పోలీస్ శాఖ అన్ని రకాలుగా అండగా నిలుస్తుందని, తోటి సిబ్బంది ఆపదలో ఉన్నప్పుడు ముందుకు వచ్చి ఆర్థిక సహాయం అందించడం అభినందనీయమని ఎస్పీ అన్నారు. ఈ కార్యక్రమంలో ఆర్ఐలు యాదగిరి, రమేష్, శివకుమార్ కుటుంబ సభ్యులు, సిబ్బంది పాల్గొన్నారు.
