Visit:
Early Holi celebrations | వీణవంక, మార్చి 2 : వీణవంక మండలంలోని హిమ్మత్నగర్ ప్రాథమికోన్నత ప్రభుత్వ పాఠశాలలో సోమవారం సహజసిద్ధమైన రంగులతో ముందస్తు హోలీ వేడుకలు నిర్వహించారు. పాఠశాల హెచ్ఎం గోనె సత్యం ఆధ్వర్యంలో ఉపాధ్యాయులు, విద్యార్థులు గోగిపువ్వు తీసుకువచ్చి రంగులు తయారు చేసి, విద్యార్థులు, ఉపాధ్యాయులు కలిసి సంతోషంగా హోలీ వేడుకలు నిర్వహించుకున్నారు.
ఈ సందర్భంగా హెచ్ఎం గోనె సత్యం మాట్లాడుతూ కులమతాలకు అతీతంగా దేశ ప్రజలంతా జరుపుకునే ఈ హోలీ వేడుకలు సోదర భావానికి ప్రతీక అని, విద్యార్థులతో కలిసి హోలీ వేడుకలు నిర్వహించడం సంతోషంగా ఉందన్నారు. ఈ కార్యక్రమంలో ఉపాధ్యాయులు వేణు, రజిత, అంగన్వాడీ టీచర్లు లావణ్య, స్వరూప, విద్యార్థులు తదితరులు పాల్గొన్నారు.
