Voditela Satish Kumar | త్వరలోనే బీఆర్ఎస్ కమిటీల ఏర్పాటు.. హుస్నాబాద్ మాజీ ఎమ్మెల్యే వోడితల సతీష్ కుమార్

హుస్నాబాద్ నియోజకవర్గంలోని అన్ని గ్రామాలు పర్యటించి నాయకులు, కార్యకర్తలతో సమావేశం నిర్వహించి గ్రామస్థాయి నుండి పార్టీని మరింత బలోపేతం చేస్తామని, అలాగే గ్రామ కమిటీలను ఎన్నుకుంటామని హుస్నాబాద్ మాజీ ఎమ్మెల్యే వోడితల సతీష్ కుమార్ అన్నారు.

Voditela Satish Kumar | చిగురుమామిడి, అక్టోబర్ 9 : హుస్నాబాద్ నియోజకవర్గంలోని అన్ని గ్రామాలు పర్యటించి నాయకులు, కార్యకర్తలతో సమావేశం నిర్వహించి గ్రామస్థాయి నుండి పార్టీని మరింత బలోపేతం చేస్తామని, అలాగే గ్రామ కమిటీలను ఎన్నుకుంటామని హుస్నాబాద్ మాజీ ఎమ్మెల్యే వోడితల సతీష్ కుమార్ అన్నారు. హుస్నాబాద్ నియోజకవర్గ స్థాయి ముఖ్య నాయకుల సమావేశం శుక్రవారం నిర్వహించారు. ఈ సందర్భంగా వారు మాట్లాడుతూ కాంగ్రెస్ ప్రభుత్వం ఎన్నికల్లో ప్రజలకు ఇచ్చిన హామీలను విస్మరించిందని, వాటిపై ప్రజలు ప్రశ్నించాల్సిన సమయం ఆసన్నమైందన్నారు. త్వరలోనే నియోజకవర్గంలోని అన్ని మండలాలు పర్యటించి ప్రజా సమస్యలను తెలుసుకుని వాటిపై పోరాటాలు చేస్తామన్నారు.

చిగురుమామిడి మండల కేంద్రంలో ఈనెల 15న మండల స్థాయి బీఆర్ఎస్ కార్యకర్తల సమావేశం నిర్వహిస్తామన్నారు. రైతులకు సరిపడా కరెంటు ఇవ్వలేని దుస్థితిలో ప్రభుత్వం ఉందని, భూగర్భ జలాలు లేక పంటలు ఎండిపోయి దిక్కుతోచని స్థితిలో రైతన్నలు ఉన్నారని అన్నారు. కేసీఆర్ పాలనలో గోదావరి జలాలతో పంటలన్నీ సస్యశ్యామలంగా ఉన్నాయని, నేడు పంటలు ఎండిపోయే దుస్థితి నెలకొందని అన్నారు. వాస్తవ పరిస్థితులను నియోజకవర్గ ప్రజలు గమనించాలని అన్నారు. రాబోయే రోజుల్లో బీఆర్ఎస్ ప్రభుత్వం అధికారంలోకి రావడం ఖాయమని ధీమా వ్యక్తం చేశారు. ఈ సమావేశంలో సీనియర్ నాయకులు మామిడి అంజయ్య, కానుగంటి భూమిరెడ్డి, రామోజు కృష్ణమాచారి, ఎండీ సర్వర్ పాషా, కూతురు శరభంద రెడ్డి, దేశిని రాజయ్య, బెజ్జంకి రాంబాబు, బెజ్జంకి లక్ష్మణ్, కాశబోయిన రాజు, దొనపాటి కృష్ణారెడ్డి, సదానందం వివిధ మండలాలకు చెందిన నాయకులు పాల్గొన్నారు.