Bhagya Reddy Varma | భాగ్య రెడ్డి వర్మ పోరాట స్ఫూర్తి అందరికీ ఆదర్శం.. జగిత్యాల కలెక్టర్ బీ సత్య ప్రసాద్

మ్యాదరి భాగ్య రెడ్డి వర్మ పోరాట స్ఫూర్తి అందరికీ ఆదర్శనీయమని జగిత్యాల కలెక్టర్ బీ సత్య ప్రసాద్ అన్నారు. కలెక్టర్ బీ సత్య ప్రసాద్ సమీకృత జిల్లా కలెక్టరేట్ లో గురువారం మ్యాదరి భాగ్యరెడ్డి వర్మ 137వ జయంతిని నిర్వహించారు.

Bhagya Reddy Varma | జగిత్యాల, మే 22 : మ్యాదరి భాగ్య రెడ్డి వర్మ పోరాట స్ఫూర్తి అందరికీ ఆదర్శనీయమని జగిత్యాల కలెక్టర్ బీ సత్య ప్రసాద్ అన్నారు. కలెక్టర్ బీ సత్య ప్రసాద్ సమీకృత జిల్లా కలెక్టరేట్ లో గురువారం మ్యాదరి భాగ్యరెడ్డి వర్మ 137వ జయంతిని నిర్వహించారు. ఈ సందర్భంగా భాగ్య రెడ్డి వర్మ చిత్రపటానికి కలెక్టర్ బీసత్య ప్రసాద్‌ పూలమాల వేసి ఘనంగా నివాళులు అర్పించారు.

ఈ సందర్భంగా కలెక్టర్ సత్య ప్రసాద్ మాట్లాడుతూ, భాగ్యరెడ్డి వర్మ, దళిత వైతాళికుడిగా ప్రసిద్ధి చెందారని కొనియాడారు. హైదరాబాద్ సంస్థానంలో 26 దళిత బాలికల పాఠశాలలను స్థాపించి, వారి అభ్యున్నతికి గట్టి పునాదులు వేశాడని, మన్యసంఘం, సంఘ సంస్కార నాటకమండలి , అహింసా సమాజం లను స్థాపించి హైదరాబాద్ ప్రాంతంలో సంఘ సంస్కరణలకై కృషి చేసాడని పేర్కొన్నాడు. ఈ కార్యక్రమంలో అడిషనల్ కలెక్టర్ బీఎస్ లత, ఎస్సీ సంక్షేమ అధికారి రాజ్ కుమార్, దళిత సంఘ నాయకులు జిల్లా అధికారులు, కలెక్టరెట్ సిబ్బంది తదితరులు పాల్గొన్నారు.