ఓరేగావ్: అమెరికాలోని ఓరేగాన్ రాష్ట్రంలో కొలంబియా నదిపై ఉన్న ముల్తనోమా జలపాతం(Multnomah Falls) వద్ద విషాద ఘటన జరిగింది. 40 ఏళ్ల గెర్రాడో హెర్నాండేజ్ రోడ్రిగ్జ్ అనేవ్యక్తి తన భార్య, అయిదుగురు పిల్లలతో కలిసి ఆ జలపాతం చూసేందుకు వెళ్లాడు. అయితే కొండపై వాకింగ్ చేస్తున్న సమయంలో అతను జారిపడ్డాడు. భార్యా, పిల్లల ముందే ఆ వ్యక్తి సుమారు 150 అడుగుల లోతు ఉన్న లోయలోకి పడిపోయాడు. దీంతో అతను ప్రాణాలు కోల్పోయాడు. ఈ ఘటన జూలై 2వ తేదీన జరిగింది. వాటర్ఫాల్ వద్ద ఉన్న బెన్సన్ బ్రిడ్జ్ దగ్గర ఈ ఘటన చోటుచేసుకున్నది. బహుశా మద్యం సేవించి ఉండడం వల్ల అతను జారిపడి ఉంటాడని అధికారులు చెబుతున్నారు. దాదాపు 45 నిమిషాలు వెతికిన తర్వాత అతని శరీరాన్ని గుర్తించారు.
ముల్తనోమా జలపాతం వద్ద తరుచూ ప్రమాదాలు జరుగుతుంటాయి. ఇక్కడ ఉన్న వాకింగ్ ట్రాక్పై నడవడం అంత సులువు కాదు. హైకింగ్ ట్రయల్ కావడం వల్ల సరైన పాదరక్షలతో ఆ జలపాతం వెంట నడవాల్సి ఉంటుందని ఒకరు తెలిపారు.