France | తీవ్ర ఘర్షణల నడుమ.. రోడ్డు మధ్యలో తాపీగా శాండ్ విచ్ తిన్న యువకుడు

France | ఫ్రెంచ్ పోలీసులు (France Police) 17 ఏళ్ల డ్రైవ‌ర్‌ను కాల్చి చంపిన ఘ‌ట‌న ఆ దేశంలో తీవ్ర అల్ల‌ర్లు సృష్టిస్తోంది. పారిస్ న‌గ‌ర శివారు ప్రాంత‌మైన నాన్‌టెర్రిలో జ‌రిగిన ఈ ఘ‌ట‌న దేశ‌వ్యాప్తంగా దుమారం రేపుతోంది. ఈ ఘర్షణల నడుమ అక్కడ ఓ ఆసక్తికర సంఘటన కెమెరా కంటికి చిక్కింది. గొడవ జరుగుతున్న ప్రాంతంలో రోడ్డుపై ఓ వ్యక్తి శాండ్ విచ్ (Sandwich)ను ఆస్వాదిస్తూ కనిపించాడు.

June 30, 2023 / 04:00 PM IST

France | తీవ్ర ఘర్షణల నడుమ.. రోడ్డు మధ్యలో తాపీగా శాండ్ విచ్ తిన్న యువకుడు

France | ఫ్రెంచ్ పోలీసులు (France Police) 17 ఏళ్ల డ్రైవ‌ర్‌ను కాల్చి చంపిన ఘ‌ట‌న ఆ దేశంలో తీవ్ర అల్ల‌ర్లు సృష్టిస్తోంది. పారిస్ న‌గ‌ర శివారు ప్రాంత‌మైన నాన్‌టెర్రిలో జ‌రిగిన ఈ ఘ‌ట‌న దేశ‌వ్యాప్తంగా దుమారం రేపుతోంది. దీంతో ఆ దేశం మొత్తం రెండు రోజులుగా ఆందోళనలు మిన్నంటుతున్నాయి. నిన్న నాన్ టెర్రిలో నిరసనకారులు, పోలీసుల మధ్య తీవ్ర స్థాయిలో ఘర్షణలు చోటు చేసుకున్నాయి. ఈ క్రమంలో ఆందోళనకారులు అక్కడే ఉన్న సామగ్రికి నిప్పు పెట్టారు. అనంతరం పోలీసులపైకి రాళ్లు రువ్వారు. పోలీసులు సైతం నిరసనకారులను అదుపుచేసేందుకు శథవిదాలా ప్రయత్నించారు.

ఈ ఘర్షణల నడుమ అక్కడ ఓ ఆసక్తికర సంఘటన కెమెరా కంటికి చిక్కింది. గొడవ జరుగుతున్న ప్రాంతంలో రోడ్డుపై ఓ వ్యక్తి శాండ్ విచ్ (Sandwich)ను ఆస్వాదిస్తూ కనిపించాడు. ఏమాత్రం భయం లేకుండా తాపీగా శాండ్ విచ్ ను ఆరగించాడు. ప్రస్తుతం ఈ వీడియో వైరల్ అవుతోంది. పక్కనే అంత పెద్ద ఫైటింగ్ జరుగుతుంటే యువకుడు తనకేమీ సంబంధం లేదన్నట్టు శాండ్‌విచ్ తింటూ కూర్చోవడంపై నెటిజన్లు రకరకాలుగా కామెంట్లు చేస్తున్నారు. ఆసక్తికర వీడియోపై మీరూ ఓ లుక్కేయండి.