Visit:
బ్యాంకాక్: ఒక ఏనుగు ఆహారం కోసం మళ్లీ అదే ఇంటిలోని వంటగదిలోకి ప్రవేశించింది. దీంతో పాత వీడియోతోపాటు ప్రస్తుత వీడియో సోషల్‌ మీడియాలో వైరల్‌ అయ్యాయి. ఈ ఏడాది జూన్‌లో థాయ్‌లాండ్‌లోని చాలెర్మ్‌కియాత్‌ పట్టానా గ్రామంలోని రచ్చదవన్ ప్యూంగ్‌ప్రసోప్పన్ అనే మహిళ ఇంటి కిచెన్‌ గోడను ఒక ఏనుగు బద్దలు కొట్టింది. ఆ శబ్దానికి ఆమె మేల్కొని చూడగా ఏనుగు తన తొండాన్ని వంటింట్లోకి పెట్టి ఆహారం కోసం వెదికి దొరికింది తిన్నది. ఈ వీడియో నాడు వైరల్‌ అయ్యింది.
అనంతరం ఏనుగు ధ్వంసం చేసిన గోడను నిర్మించారు. అయితే ఈ నెల 10న ఆ ఏనుగు మళ్లీ ఆ ఇంటి కిచెన్‌ గోడను బద్దలు కొట్టింది. తొండాన్ని లోపలికి పెట్టి ఆహారం కోసం వెదికి అందిన వాటిని తిన్నది. ఈసారి సుమారు పది వేలకుపైగా నష్టం కలిగించింది.
కాగా, బూంచుయే పేరుతో పిలిచే ఏనుగు ఈ గ్రామానికి తరచుగా వస్తున్నదని పార్క్ సూపరింటెండెంట్ తెలిపారు. స్థానికంగా మార్కెట్‌ జరిగేటప్పుడు ఆహారం వాసన వల్ల ఏనుగులు ఇక్కడకు వస్తుంటాయని చెప్పారు. కాగా, ఈ ఏనుగు కిచెన్‌లోకి ప్రవేశించిన గత వీడియోతోపాటు ప్రస్తుత వీడియో సామాజిక మాధ్యమాల్లో వైరల్‌ అయ్యాయి.
