భారత్‌లో మైనారిటీలపై విద్వేషం ఆందోళనకరం: బ్లింకెన్‌

భారతదేశంలో మైనారిటీల స్థితిగతులపై అమెరికా సెక్రటరీ ఆఫ్‌ స్టేట్‌ ఆంటోనీ బ్లింకెన్‌ తీవ్ర ఆందోళన వ్యక్తం చేశారు.

వాషింగ్టన్‌: భారతదేశంలో మైనారిటీల స్థితిగతులపై అమెరికా సెక్రటరీ ఆఫ్‌ స్టేట్‌ ఆంటోనీ బ్లింకెన్‌ తీవ్ర ఆందోళన వ్యక్తం చేశారు. అంతర్జాతీయ మత స్వేచ్ఛపై వార్షిక స్టేట్‌ డిపార్ట్‌మెంట్‌ నివేదిక, 2023 విడుదల సందర్భంగా ఆయన మాట్లాడుతూ, భారత్‌లో మత మార్పిడుల నిరోధక చట్టాలు, మైనారిటీలపై విద్వేష ప్రసంగాలు, మైనారిటీల ప్రార్థనా స్థలాలు, ఇళ్ల కూల్చివేతలు ఆందోళనకరంగా పెరుగుతున్నాయని చెప్పారు. దేశంలోని 10 రాష్ర్టాల్లో మత మార్పిడులను కట్టడి చేసే చట్టాలు ఉన్నాయని ఈ నివేదిక తెలిపింది.

 

మరికొన్ని వార్తలు చదవండి..

మాల్దీవుల అధ్యక్షుడిపై చేతబడి.. ఇద్దరు మంత్రుల అరెస్ట్‌

మాలే: మాల్దీవుల అధ్యక్షుడు మహమ్మద్‌ ముయిజ్జుపై చేతబడి చేశారని ఆరోపిస్తూ ఇద్దరు మంత్రులను పోలీసులు అరెస్ట్‌ చేశారు. పర్యావరణ శాఖ మంత్రి షమనాజ్‌ సలీం, ఆమె భర్త ఆదం రమీజ్‌లతోపాటు మరో ఇద్దరిని అరెస్ట్‌ చేసినట్లు గురువారం స్థానిక మీడియా తెలిపింది.

ఆదం దేశాధ్యక్ష కార్యాలయంలో మంత్రిగా పని చేస్తున్నట్లు తెలిపింది. అయితే పోలీసులు దీనికి సంబంధించిన సమాచారాన్ని వెల్లడించేందుకు నిరాకరించారు. మాలే నగర మేయర్‌గా ముయిజ్జు, కౌన్సిల్‌ సభ్యులుగా షమనాజ్‌, రమీజ్‌ ఒకే సమయంలో పని చేశారు. ఆ కాలంలో ముయిజ్జుకు రమీజ్‌ సన్నిహితుడిగా వ్యవహరించారు.