వాషింగ్టన్: అమెరికా రక్షణ మంత్రి లాయిడ్ ఆస్టిన్ (Lloyd Austin) కరోనా బారినపడ్డారు. స్వల్ప లక్షణాలు కనిపించడంతో పరీక్షలు చేయించుకున్నానని, అందులో పాజిటివ్ వచ్చిందని ఆస్టిన్ వెల్లడించారు. వైద్యుల సూచన మేరకు ఐదురోజులపాటు క్వారంటైన్లో ఉంటానని చెప్పారు. తాను పూర్తిస్థాయిలో వ్యాక్సిన్ తీసుకున్నాని, గత అక్టోబర్లో బూస్టర్ డోస్ కూడా వేసుకున్నానని చెప్పారు. కాగా, చివరిసారిగా డిసెంబర్ 21న అధ్యక్షుడు బైడెన్ను కలిసినట్లు వెల్లడించారు. ప్రతిఒక్కరు బూస్టర్ డోసు తీసుకోవాలని సూచించారు.
అమెరికాలో ఇప్పటివరకు 5,61,42,175 కరోనా కేసులు నమోదయ్యాయి. ఇందులో 8,47,408 మంది మరణించగా, 4,15,43,060 మంది కోలుకున్నారు. మరో 1,37,51,707 కేసులు యాక్టివ్గా ఉన్నాయి.