ఇరాన్‌పైకి ‘మదర్‌ ఆఫ్‌ ఆల్‌ బాంబ్స్‌’!

అధ్యక్షుడు ట్రంప్‌ తిరిగి సైనిక చర్యలకు ఆదేశిస్తే ఇరాన్‌ ఇంధన, అణు మౌలిక సదుపాయాలను లక్ష్యంగా చేసుకొనేందుకు అమెరికా సైన్యం ప్రణాళికలు సిద్ధం చేసినట్టు తెలుస్తున్నది.

వాషింగ్టన్‌ : అధ్యక్షుడు ట్రంప్‌ తిరిగి సైనిక చర్యలకు ఆదేశిస్తే ఇరాన్‌ ఇంధన, అణు మౌలిక సదుపాయాలను లక్ష్యంగా చేసుకొనేందుకు అమెరికా సైన్యం ప్రణాళికలు సిద్ధం చేసినట్టు తెలుస్తున్నది. ఇందులో భాగంగా అణుయేతర బాంబుల్లో అత్యంత శక్తివంతమైన ‘మదర్‌ ఆఫ్‌ ఆల్‌ బాంబ్స్‌’గా పిలిచే బాంబును ఉపయోగించే అవకాశం ఉన్నది.

సీఎన్‌ఎన్‌ నివేదిక ప్రకారం ఇరాన్‌తో యుద్ధంలో మొదటిసారి దీన్ని ప్రయోగించడానికి అగ్రరాజ్యం సిద్ధమవుతున్నది. ఈ బాంబు ప్రయోగం సంఘర్షణను తీవ్రం చేస్తుంది. అమెరికా వ్యూహాత్మక లక్ష్యాల సాధనలో ఇది ఏ మేరకు ప్రభావం చూపుతుందనే దానిపై ఇంకా సందేహాలు నెలకొన్నాయి.