రష్యా-ఉక్రెయిన్‌ మధ్య ‘ఎనర్జీ సీజ్‌ఫైర్‌’

రష్యా-ఉక్రెయిన్‌ యుద్ధ నేపథ్యంలో ఇరు దేశాల మధ్య ఎనర్జీ సీజ్‌ఫైర్‌ (ఇంధన సదుపాయాలపై కాల్పుల విరమణ) ఒప్పందాన్ని అమెరికా అధ్యక్షుడు డొనాల్డ్‌ ట్రంప్‌ ప్రకటించారు. ఇరు దేశాలు ఈ ఒప్పందాన్ని అంగీకరించాయని, ఇది వెంటనే అమల్లోకి వస్తుందని తన ట్రూత్‌ సోషల్‌ పోస్టులో ట్రంప్‌ వెల్లడించారు. ఇరు దేశాలు ఇంధన మౌలిక సదుపాయాలపై దాడులు చేసుకుంటున్న నేపథ్యంలో ఈ ప్రకటన వెలువడింది.

• ప్రకటించిన డొనాల్డ్డ్‌ ట్రంప్‌
• తనకు తెలియదన్న జెలెన్‌స్కీ

న్యూయార్క్‌: రష్యా-ఉక్రెయిన్‌ యుద్ధ నేపథ్యంలో ఇరు దేశాల మధ్య ఎనర్జీ సీజ్‌ఫైర్‌ (ఇంధన సదుపాయాలపై కాల్పుల విరమణ) ఒప్పందాన్ని అమెరికా అధ్యక్షుడు డొనాల్డ్‌ ట్రంప్‌ ప్రకటించారు. ఇరు దేశాలు ఈ ఒప్పందాన్ని అంగీకరించాయని, ఇది వెంటనే అమల్లోకి వస్తుందని తన ట్రూత్‌ సోషల్‌ పోస్టులో ట్రంప్‌ వెల్లడించారు. ఇరు దేశాలు ఇంధన మౌలిక సదుపాయాలపై దాడులు చేసుకుంటున్న నేపథ్యంలో ఈ ప్రకటన వెలువడింది. అయితే ఈ ఒప్పందంపై తనకు ముందస్తు సమాచారం లేదని ఉక్రెయిన్‌ అధ్యక్షుడు జెలెన్‌ స్కీ తెలిపారు. ఇంధన కాల్పుల విరమణ ఒప్పందానికి రష్యా అంగీకరిస్తే తాము కూడా సిద్ధంగా ఉన్నామన్నారు.