Pakistan Air Base: యుద్ధ విమానాల‌ను ధ్వంసం చేసిన పాకిస్థాన్‌ ఉగ్ర‌వాదులు

Pakistan Air Base: పాక్‌లోని మియాన్‌వాలీ వైమానిక క్షేత్రంపై ఇవాళ ఉగ్ర‌వాదులు అటాక్ చేశారు. ఆ ఉగ్ర‌వాదులు మూడు విమానాల‌ను ధ్వంసం చేసిన‌ట్లు ఆర్మీ ప్ర‌క‌టించింది. కానీ ఆ దాడిలో ఇంకా ఎక్కువ న‌ష్ట‌మే జ‌రిగి ఉంటుంద‌ని అంచ‌నా వేస్తున్నారు.

ఇస్లామాబాద్‌: పాకిస్థాన్‌(Pakistan)లో ఉగ్ర‌వాదులు బీభ‌త్సం సృష్టించారు. ఏకంగా ఎయిర్‌బేస్‌(Air Base)పై అటాక్ చేశారు. మియాన్‌వాలీ వైమానిక ద‌ళ శిక్ష‌ణ కేంద్రంపై ఇవాళ తెల్ల‌వారుజామున‌ ఉగ్ర‌వాదులు దాడి చేశారు. ఆ శిక్ష‌ణ కేంద్రంలో ఉన్న విమానాల‌ను ధ్వంసం చేశారు. కొన్నింటికి నిప్పుపెట్టిన వార్త‌లు వెలుబడుతున్నాయి. సోష‌ల్ మీడియాలో ఆ దాడుల‌కు చెందిన వీడియోలు కొన్ని అప్‌లోడ్ చేశారు. నిజానికి ఆ వీడియోలు ఎంత వ‌ర‌కు వాస్తవం అన్న విష‌యం తేలాల్సి ఉంది. పాక్ ఆర్మీ మాత్రం మూడు విమానాలు ధ్వంసం అయిన‌ట్లు అధికారికంగా ప్ర‌క‌టించింది.

Tehreek-e-Jihad Pakistan (TJP) claims that their fidayeens have attacked Mianwali Pakistan Airforce airbase in punjab and destroyed many small & Big jets along with killing PAF Pilots & forces personnel, Ops ongoing….

Local residents posted unverified video footage on social… pic.twitter.com/HVwiAcjj1I

— Megh Updates 🚨™ (@MeghUpdates) November 4, 2023

తెహ్రీక్ ఇ జిహాద్‌(టీజేపీ)కు చెందిన ఉగ్ర‌వాదులు ఎయిర్ బేస్‌పై అటాక్ చేసిన‌ట్లు భావిస్తున్నారు. ఆ ఉగ్ర‌వాదులు ఆత్మ‌హుతి దాడికి పాల్ప‌డిన‌ట్లు అంచ‌నా వేస్తున్నారు. చాలా వ‌ర‌కు చిన్న, పెద్ద యుద్ధ విమానాల‌ను ధ్వంసం చేసిన‌ట్లు పేర్కొంటున్నారు. పాకిస్థాన్ ఎయిర్ ఫోర్స్‌కు చెందిన పైలెట్లు, వైమానిక ద‌ళ స‌భ్యులు కూడా మృతిచెందిన‌ట్లు కొన్ని వ‌ర్గాల ద్వారా తెలుస్తోంది. ఇప్ప‌టికే ముగ్గురు ఉగ్ర‌వాదుల్ని హ‌త‌మార్చారు. మ‌రో ముగ్గురి కోసం అన్వేష‌ణ కొన‌సాగుతోంది.

ఎయిర్ బేస్ స‌మీపంలో ఉన్న స్థానికులు కొన్ని వీడియోలు పోస్టు చేశారు. చీకటిలో ఆ కేంద్రం నుంచి మంట‌లు వ్యాపిస్తున్న దృశ్యాలు క‌నిపించాయి.