లంకను వీడిన చైనా నిఘా నౌక

కొలంబో, ఆగస్టు22: శ్రీలంకలోని హంబన్‌తోట పోర్టులో నిలిపి ఉంచిన చైనా నిఘా నౌక ఆరు రోజుల తర్వాత సోమవారం అక్కడి నుంచి తిరిగి బయలుదేరింది. బాలిస్టిక్‌ మిస్సైల్‌, శాటిలైట్‌ ట్రాకింగ్‌ నౌక అయిన యువాన్‌ వాంగ్‌ 5 ఈ నెల 11నే హంబన్‌తోటకు చేరాల్సి ఉండగా, భారత్‌ అభ్యంతరాల నేపథ్యంలో లంక అధికారుల నుంచి అనుమతి రావడంలో ఆలస్యం కావడంతో ఈ నెల 16న పోర్టుకు చేరింది. భారత మిలిటరీ కేంద్రాలపై ఈ నౌక నిఘా పెట్టే అవకాశం ఉన్నదని భారత్‌ అభ్యంతరాలు వ్యక్తంచేసింది.