Viral Video: ట్రైలర్‌ లారీని ఢీకొట్టిన రైలు.. తర్వాత ఏం జరిగిందంటే?

రోడ్డుపై భారీగా మంచు పేరుకుపోయింది. దీంతో అక్కడ ఉన్న రైలు పట్టాలు వాహనాల డ్రైవర్లకు కనిపించలేదు.

వాషింగ్టన్‌: అమెరికాలో అసాధరణ వాతావరణ పరిస్థితులు నెలకొన్నాయి. దీంతో ఉష్ణోగ్రతలు కనిష్టస్థాయికి పడిపోవడంతో పలు ప్రాంతాలు మంచుతో నిండిపోయాయి. ఈ నేపథ్యంలో ఊహించని ప్రమాదాలు జరుగుతున్నాయి. మంచు వల్ల రైల్వే ట్రాక్‌ కనిపించకపోవడంతో రైలు పట్టాలు దాటుతూ వాహనాలు అటూ ఇటూ వెళ్లసాగాయి. ఇంతలో వేగంగా వచ్చిన ఒక రైలు ట్రైలర్‌ లారీని ఢీకొట్టింది. దీంతో లోడ్‌తో ఉన్న ట్రైలర్‌ లారీ ముందు భాగం నుంచి విడిపోయింది. అదృష్టవశాత్తూ లారీ డ్రైవర్‌కు ప్రాణాపాయం తప్పింది.

కాగా, విస్కియస్‌ వీడియోస్‌ అనే యూజర్‌ ఈ వీడియోను ట్విట్టర్‌లో పోస్ట్‌ చేశారు. ఇందులో ఫెడెక్స్ రవాణా సంస్థకు చెందిన రెండు కార్గో లారీలు ఎదురెదురుగా వెళ్తుంటాయి. అయితే రోడ్డుపై భారీగా మంచు పేరుకుపోయింది. దీంతో అక్కడ ఉన్న రైలు పట్టాలు వాహనాల డ్రైవర్లకు కనిపించలేదు. ఫెడెక్స్‌కు చెందిన ఒక కార్గో లారీ వెళ్తుండగా పట్టాలపై వేగంగా వచ్చిన రైలు దానిని ఢీకొట్టింది. దీంతో ట్రైలర్‌ భాగం విడిపోయింది.  డ్రైవర్‌ ఉన్న భాగం మరో దిశకు తిరిగింది. అదృష్టవశాత్తు ఫెడెక్స్‌ సంస్థకు చెందిన లారీ ముందు భాగంలో ఉన్న డ్రైవర్‌ ప్రాణాలతో బయటపడ్డాడు. ఒక వాహనంపై ఉన్న కెమేరాలో రికార్డైన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. నెటిజన్లు కూడా ఈ వీడియో చూసి షాక్‌ అయ్యారు.

https://twitter.com/ViciousVideos/status/1609067074642403329?ref_src=twsrc%5Etfw%7Ctwcamp%5Etweetembed%7Ctwterm%5E1609067074642403329%7Ctwgr%5Ef012a964794c941609a301a62f7eeb936371cd45%7Ctwcon%5Es1_c10&ref_url=https%3A%2F%2Fwww.india.com%2Fviral%2Fviral-video-speeding-train-trailer-truck-driver-shocking-fedex-railgadi-ka-accident-5832332%2F