Nuclear Weapons: అంత‌రిక్షంలో ర‌ష్యా అణ్వాయుధాలు.. అమెరికా ఆందోళ‌న‌

nuclear weapons: అంత‌రిక్షంలో అణ్వాయుధాల‌ను మోహ‌రించేందుకు ర‌ష్యా ప్లాన్ చేస్తున్న‌ట్లు అమెరికా పేర్కొన్న‌ది. జాతీయ భ‌ద్ర‌త‌కు ఇది తీవ్ర విఘాతంగా మారే అవ‌కాశాలు ఉన్న‌ట్లు అమెరికా తెలిపింది. న్యూ యార్క్ టైమ్స్‌లో దీనికి సంబంధించిన క‌థ‌నం వ‌చ్చింది.

న్యూయార్క్‌: అంత‌రిక్షంలో అణ్వాయుధాల‌(nuclear weapons)ను మోహ‌రించేందుకు ర‌ష్యా ప్లాన్ చేస్తున్న‌ట్లు అమెరికా పేర్కొన్న‌ది. జాతీయ భ‌ద్ర‌త‌కు ఇది తీవ్ర విఘాతంగా మారే అవ‌కాశాలు ఉన్న‌ట్లు అమెరికా తెలిపింది. న్యూ యార్క్ టైమ్స్‌లో దీనికి సంబంధించిన క‌థ‌నం వ‌చ్చింది. అమెరికా శాటిలైట్ వ్య‌వ‌స్థ‌ను ర‌ష్యా అంత‌రిక్ష అణ్వాయుధం ప్ర‌మాదంలో నెట్టివేస్తుంద‌ని ఆరోప‌ణ‌లు వ‌స్తున్నాయి. దీనిపై ఇంటెలిజెన్స్ అధికారులు నివేదిక‌ను త‌యారుచేశారు. అయితే ప్ర‌స్తుత ద‌శ‌లో అంత‌రిక్ష ఆయుధాన్ని ఢీకొనే వ్య‌వ‌స్థ త‌మ వ‌ద్ద లేద‌ని అమెరికా అంటోంది.

ర‌ష్యా ఆయుధం వ‌ల్ల అంత‌రిక్షంలోని క‌మ్యూనికేష‌న్‌, నిఘా వ్య‌వ‌స్థ ధ్వంసం అయ్యే అవ‌కాశాలు ఉన్న‌ట్లు రిపోర్టులో తెలిపారు. 1967లో కుదిరిన ఒట‌ర్ స్పేస్ ట్రీటీని ర‌ష్యా ఉల్లంఘిస్తుందా అన్న అనుమానాలు వ్య‌క్తం అవుతున్నాయి. ఆ ఒప్పందం ప్ర‌కారం అన్ని ర‌కాల అంత‌రిక్ష అణ్వాయుధాల‌పై నిషేధం ఉన్న‌ది. నిజానికి అంత‌రిక్షంలో అణ్వాయుధాన్ని ర‌ష్యా మోహ‌రిస్తుందో లేదో తెలియ‌దు. కానీ అమెరికా ఇంటెలిజెన్స్ అధికారులు మాత్రం అధ్య‌క్షుడు బైడెన్‌కు రిపోర్టును చేర‌వేశారు. అయితే ర‌ష్యా ఆయుధం గురించి పూర్తి స‌మాచారాన్ని కాంగ్రెస్ స‌భ్యుల‌కు తెలియ‌జేయాల‌న్న వాద‌న‌లు వినిపిస్తున్నాయి.