అప్పుల పరిమితిపై బైడెన్‌ సర్కారుకు ఊరట

అప్పుల పరిమితి పెంపుపై ఇబ్బందులు ఎదుర్కొంటున్న అమెరికా అధ్యక్షుడు జో బైడెన్‌ సర్కారుకు ఊరట లభించింది. రెండేండ్ల పాటు అప్పుల పరిమితి పెంపు, వ్యయ నియంత్రణపై రిపబ్లికన్లు, డెమోక్రాట్ల మధ్య సూత్రప్రాయంగా ఒక ఒప్పందం కుదిరింది. ఈ ఒప్పందాన్ని రాజీపడటంగా బైడెన్‌ అభివర్ణించారు. ఈ ఒప్పందం జూన్‌ 5లోపు కాంగ్రెస్‌ ఆమోదం పొందాల్సి ఉన్నది.

వాషింగ్టన్‌, మే 28: అప్పుల పరిమితి పెంపుపై ఇబ్బందులు ఎదుర్కొంటున్న అమెరికా అధ్యక్షుడు జో బైడెన్‌ సర్కారుకు ఊరట లభించింది. రెండేండ్ల పాటు అప్పుల పరిమితి పెంపు, వ్యయ నియంత్రణపై రిపబ్లికన్లు, డెమోక్రాట్ల మధ్య సూత్రప్రాయంగా ఒక ఒప్పందం కుదిరింది. ఈ ఒప్పందాన్ని రాజీపడటంగా బైడెన్‌ అభివర్ణించారు. ఈ ఒప్పందం జూన్‌ 5లోపు కాంగ్రెస్‌ ఆమోదం పొందాల్సి ఉన్నది. ఆ తర్వాత బైడెన్‌ దీనిపై సంతకం చేస్తే అమల్లోకి వస్తుంది. ఒకవేళ ఈ ఒప్పందం అమల్లోకి రాకపోతే, జూన్‌ 5 తర్వాత నుంచి అమెరికా అప్పులు చెల్లించే పరిస్థితిలో ఉండదని ఇప్పటికే ఆ దేశ ఆర్థిక మంత్రి జానెట్‌ యెలెన్‌ హెచ్చరించారు. ప్రస్తుతం అమెరికా అప్పు 31.4 ట్రిలియన్‌ డాలర్లు. ఈ మొత్తాన్ని దాటి అప్పులు చేయడానికి బైడెన్‌ ప్రభుత్వం కాంగ్రెస్‌ అనుమతి కోరుతున్నది.