Visit:
Pakistan submarine : చైనా (China) నిర్మించిన హంగోర్ క్లాస్ (Hangor class) జలాంతర్గామి పాకిస్థాన్కు చేరింది. అది తాజాగా కరాచీ రేవు (Karachi Port) కు చేరుకుంది. అది డీజిల్-ఎలక్ట్రిక్ ఎటాక్ సబ్మెరైన్. అలాంటివి మొత్తం 8 జలాంతర్గాములను పాకిస్థాన్ కొనుగోలు చేస్తోంది. అందులో నాలుగింటిని చైనా నిర్మిస్తుంది. మిగతావాటిని సాంకేతిక పరిజ్ఞాన బదలాయింపు కింద కరాచీలో రూపొందిస్తారు.
హంగోర్ అంటే బెంగాలీలో సొరచేప అని అర్థం. 1971 కి ముందు తమ దేశంలో భాగంగా బంగ్లాదేశ్ ఉన్నప్పటి ఆనవాయితీకి అనుగుణంగా పాకిస్థాన్ ఈ పేరును ఖరారు చేసింది. ఈ తరగతి జలాంతర్గాములు అధునాతనమైనవి. ప్రత్యర్థి కంటపడకుండా దాడిచేసే సామర్థ్యం వీటికి ఉందని అధికారులు తెలిపారు.
