Nepal Floods: టిబెట్‌లో డ్యామ్ లీకేజీ.. సుర‌క్షిత ప్రాంతాల‌కు వెళ్లండి.. నేపాల్ హెచ్చ‌రిక‌

Nepal Floods: టిబెట్‌లో డ్యామ్ లీకేజీ అయ్యింది. ఈ నేప‌థ్యంలో ఇవాళ నేపాల్ పోలీసులు హెచ్చ‌రిక జారీ చేసింది. రెస్క్యూ ఆప‌రేష‌న్‌లో ఉన్న పోలీసులు, స‌హాయ‌క సిబ్బంది సుర‌క్షిత ప్రాంతాల‌కు వెళ్లాలంటూ ఆదేశాలు ఇచ్చారు. బుధ‌వార‌మే భారీ బుర‌ద‌తో కూడిన వ‌ర‌ద .. నేపాల్‌లో విల‌యాన్ని సృష్టించిన విష‌యం తెలిసిందే. మృతుల సంఖ్య 469కి చేరింది.

కాట్మాండు: టిబెట్‌లో డ్యామ్ లీకేజీ అయ్యింది. ఈ నేప‌థ్యంలో ఇవాళ నేపాల్(Nepal) హెచ్చ‌రిక జారీ చేసింది. సుర‌క్షిత ప్రాంతాల‌కు వెళ్లాలంటూ ఆదేశాలు ఇచ్చింది. బుధ‌వార‌మే భారీ బుర‌ద‌తో కూడిన వ‌ర‌ద .. విల‌యాన్ని సృష్టించిన విష‌యం తెలిసిందే. అయితే టిబెట్ ప్రాంతంలో తాత్కాలిక స‌ర‌స్సు ఏర్ప‌డింద‌ని, అది ఏ క్ష‌ణ‌మైనా ప‌గిలే ఛాన్సు ఉన్న‌ట్లు చైనా హెచ్చ‌రించిన విష‌యం తెలిసిందే. బుధ‌వారం సంభ‌వించిన జ‌ల‌ప్ర‌ళ‌యం మృతుల సంఖ్య 469కి చేరుకున్న‌ది. తాత్కాలిక స‌ర‌స్సు ఏర్ప‌డిన ప్ర‌దేశ వీడియోల‌ను సీసీటీవీ రిలీజ్ చేసింది. బుధ‌వారం కొట్టుకుపోయిన గిరాంగ్ పోర్టుకు 10 కిలోమీట‌ర్ల ఎగువ‌న ఆ స‌ర‌స్సు ఉన్న‌ట్లు తెలిసింది. అక్క‌డ సుమారు రెండు మిలియ‌న్ల క్యూబిక్ మీట‌ర్ల నీరు ఉన్న‌ది. ప్ర‌స్తుతం ఆ బేరియ‌ర్ లేక్ నుంచి నీరు లీకు అవుతోంద‌ని, ఏ క్ష‌ణ‌మైనా భారీ వ‌ర‌ద ముంచెత్తే ప్ర‌మాదం ఉన్న‌ట్లు చైనా చెబుతోంది. దీంతో టిబెట్‌లో రెస్క్యూ ఆప‌రేష‌న్ నిలిపివేశారు. రెస్క్యూ ఆప‌రేష‌న్‌లో నిమగ్న‌మైన పోలీసులు, స‌హాయ‌క బృందాలు సుర‌క్షిత ప్రాంతాల‌కు వెళ్లాలంటూ నేపాలీ పోలీసులు సోష‌ల్ మీడియాలో ప్ర‌క‌ట‌న చేశారు.