మెల్బోర్న్: ఆస్ట్రేలియాకు చెందిన సెంట్రల్ బ్యాంక్తో పాటు ఆ దేశ పోస్టల్ సర్వీసు, ఇతర బ్యాంకుల వెబ్సైట్లు క్రాష్ అయ్యాయి. అమెరికాకు చెందిన కొన్ని ఎయిర్లైన్స్కు కూడా ఇంటర్నెట్ సరఫరా నిలిచిపోవడంతో వాటి సైట్లు డౌన్ అయినట్లు తెలుస్తోంది. వెబ్ సర్వీస్ కంపెనీ అకామాయిలో సమస్యలు తలెత్తడంతో.. అనేక సంస్థల్లో ఇంటర్నెట్ సేవలు నిలిచిపోయాయి. ఏఎన్జెడ్, వెస్ట్ప్యాక్, సెయింట్ జార్జ్, ఎంఈ బ్యాంక్, మాక్వయిరీ బ్యాంక్, అలియాంజ్, కామన్వెల్త్ బ్యాంక్లకు సేవలు తాత్కాలికంగా స్తంభించిపోయాయి. బ్యాంకింగ్ యాప్లు కూడా అందుబాటులో లేకుండాపోయాయి. అమెరికన్ ఎయిర్లైన్స్, సౌత్వెస్ట్ ఎయిర్లైన్స్, యునైటెడ్ ఎయిర్లైన్స్, డెల్టా ఎయిర్లైన్స్ కూడా ఇంటర్నెట్ లేకపోవడంతో వాటి వెబ్సైట్లు క్రాష్ అయ్యాయి. ఇంటర్నెట్ లేకపోవడానికి తామే కారణమని అకామాయి అంగీకరించింది. వీలైనంత త్వరగా సమస్యను పరిష్కరించేందుకు ప్రయత్నిస్తున్నట్లు ఆ సంస్థ చెప్పింది.