కారుతో ఢీకొట్టి.. లూటీ చేశారు.. వీడియో

NYPD | అగ్రరాజ్యం అమెరికాలో అమానవీయ ఘటన చోటుచేసుకున్నది. న్యూయార్క్‌లోని బ్రాంక్స్‌లో ఓ వ్యక్తి రోడ్డు దాటుతున్నాడు. ఇంతలో ఓ కారు అతడిని వేగంగా ఢీకొట్టింది.

న్యూయార్క్‌: అగ్రరాజ్యం అమెరికాలో అమానవీయ ఘటన చోటుచేసుకున్నది. న్యూయార్క్‌లోని బ్రాంక్స్‌లో ఓ వ్యక్తి రోడ్డు దాటుతున్నాడు. ఇంతలో ఓ కారు అతడిని వేగంగా ఢీకొట్టింది. దీంతో అతడు ఎగిరి అంత దూరంలో పడ్డాడు. కొద్దిగా ముందుకు వెళ్లిన ఆ కారు ఆగింది. అందులో నుంచి దిగిన ఇద్దరు యువకులు.. తీవ్రగాయాలతో అపస్మారక స్థితిలో ఉన్న ఆ వ్యక్తి వద్దకు వెళ్లారు. క్షతగాత్రుడి జేబులు వెతికి.. దొరికినవి ఎత్తుకెళ్లారు. ఇదంతా సమీపంలో ఉన్న ఓ కెమెరాలో రికార్డయింది. వీడియోను న్యూయార్క్‌ పోలీస్‌ డిపార్ట్‌మెంట్‌ (NYPD)సోషల్‌ మీడియాలో పోస్టు చేసింది.

https://twitter.com/NYPDnews/status/1551206145527894017?ref_src=twsrc%5Etfw%7Ctwcamp%5Etweetembed%7Ctwterm%5E1551206145527894017%7Ctwgr%5E%7Ctwcon%5Es1_c10&ref_url=https%3A%2F%2Fwww.ndtv.com%2Fworld-news%2Fcaught-on-camera-man-in-us-hit-by-car-and-then-robbed-while-unconscious-3190628

ఈ ఘటన శనివారం చోటు చేసుకున్నదని పేర్కొన్నారు. రోడ్డు దాటుతున్న 35 ఏండ్ల వ్యక్తిని ఓ కారు కావాలనే ఢీకొట్టిందని, తీవ్ర గాయాలతో అల్లాడుతున్న అతడిని పట్టించుకోకుండా.. కారులో నుంచి దిగిన ఇద్దరు యువకులు, ఆ వ్యక్తి జేబుల్లో ఉన్నవి దోచుకెళ్లారని చెప్పారు. అనంతరం తాము అతడిని దవాఖానకు తరలించామని, ప్రస్తుతం అతడి పరిస్థితి విషమంగా ఉందని వెల్లడించారు.