Visit:
Kamala Harris | వాషింగ్టన్‌ : అమెరికా అధ్యక్ష ఎన్నికల్లో ఓటమిని డెమొక్రాటిక్‌ నేత కమల హారిస్‌ జీర్ణించుకోలేకపోతున్నట్లు కనిపిస్తున్నది. తన భర్త డగ్‌ ఎమ్హోఫ్‌ వల్లే తాను ఓడిపోయానని ఆమె ఆక్రోశిస్తున్నట్లు తెలుస్తున్నది. ఓ మీడియా కథనం ప్రకారం, తన భర్త తనకు మోయలేని భారంగా మారారని ఆమె మండిపడుతున్నారు. డగ్‌ తన బిడ్డను చూసుకునే నానీని గర్భవతిని చేయడం, తన మాజీ గర్ల్‌ఫ్రెండ్‌ను పెళ్లి చేసుకోవడం వంటివి కమల హారిస్‌కు తలనొప్పి తీసుకొచ్చాయి.
కమల న్యూయార్క్‌లోని ఓ న్యాయవాద సంస్థలో ఉద్యోగం కోసం సంతకం చేశారు. ఆమె భర్త ప్రస్తుతం లాస్‌ ఏంజెల్స్‌లో ఉంటున్నారు. వచ్చే ఏడాది కాలిఫోర్నియా గవర్నర్‌ పదవికి పోటీ చేయాలని ఆమె భావిస్తున్నట్లు సమాచారం.
అదేవిధంగా 2028లో జరిగే దేశాధ్యక్ష ఎన్నికల్లో పోటీ చేయవచ్చు కూడా. ఈ మధ్య కాలంలో తన భర్త వల్ల తనకు మేలు జరుగుతుందా? కీడు జరుగుతుందా? అనే ఆలోచనలో ఆమె ఉన్నట్లు ఈ నివేదిక వెల్లడించింది. జిమ్మీ కార్టర్‌ అంత్యక్రియలకు కమల, డగ్‌ హాజరైనప్పటికీ, వీరిద్దరి మధ్య సయోధ్య లేదని తెలిపింది. ఈ నివేదిక ఈ నెల 22న వచ్చింది. అదే రోజు డగ్‌ తన పెండ్లినాటి ఉంగరాన్ని ధరించి కనిపించారు.
