G7 Summit | ఇటలీ ప్రధానికి ఎగతాళిగా సెల్యూట్‌ చేసిన జో బైడెన్‌.. వీడియో వైరల్‌

G7 Summit | అమెరికా అధ్యక్షుడు జో బైడెన్‌ మానసిక, శారీరక పరిస్థితిపై విమర్శలు వెల్లువెత్తుతున్నాయి. మరోసారి అమెరికా అధ్యక్షుడిగా ఎన్నికల బరిలో ఉన్న 81 ఏళ్ల కురువృద్ధుడైన ఆయన ఇటలీ ప్రధానికి ఎగతాళిగా సెల్యూట్‌ చేశారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

రోమ్‌: అమెరికా అధ్యక్షుడు జో బైడెన్‌ మానసిక, శారీరక పరిస్థితిపై విమర్శలు వెల్లువెత్తుతున్నాయి. మరోసారి అమెరికా అధ్యక్షుడిగా ఎన్నికల బరిలో ఉన్న 81 ఏళ్ల కురువృద్ధుడైన ఆయన ఇటలీ ప్రధానికి ఎగతాళిగా సెల్యూట్‌ చేశారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. కెనడా, ఫ్రాన్స్, జర్మనీ, ఇటలీ, జపాన్, బ్రిటన్‌, అమెరికాతో కూడిన జీ 7 (G7 Summit) శిఖరాగ్ర సమావేశం ఇటలీలో జరుగుతున్నది. అమెరికా అధ్యక్షుడు జో బైడెన్‌ ఈ సమ్మిట్‌కు హాజరయ్యారు. ఇటలీ ప్రధాన మంత్రి జార్జియా మెలోని, ఇతర దేశాధినేతలు కలిసి జీ 7 సమ్మిట్‌ లోగో ముందు గురువారం ఫొటోలు దిగారు.

కాగా, ఈ ఫొటో షూట్‌ తర్వాత ఇటలీ ప్రధాని మెలోనితో బైడెన్‌ సంభాషించారు. ఆ తర్వాత వేదిక నుంచి వెళ్తూ ఎగతాళిగా ఆమెకు సెల్యూట్‌ చేశారు. ఇది చూసి నవ్వుకున్న మెలోని ఇతర దేశాధినేతల వద్దకు వెళ్లారు.

మరోవైపు ఈ వీడియో క్లిప్‌ సోషల్ మీడియాలో వైరల్‌ అయ్యింది. ఈ నేపథ్యంలో అమెరికా అధ్యక్షుడు జో బైడెన్‌ మానసిక, శారీరక పరిస్థితిపై మరోసారి మీమ్స్‌ వెల్లువెత్తాయి. ఆయన ప్రవర్తనను కొందరు సమర్థించగా మరికొందరు విమర్శించారు.

https://twitter.com/JoeyMannarinoUS/status/1801218704081891508?ref_src=twsrc%5Etfw%7Ctwcamp%5Etweetembed%7Ctwterm%5E1801218704081891508%7Ctwgr%5Ec9e654cce2f36da7743e8d5b34e8ba1dabafe4d2%7Ctwcon%5Es1_c10&ref_url=https%3A%2F%2Fwww.hindustantimes.com%2Fworld-news%2Fus-news%2Fjoe-biden-ridiculed-for-awkwardly-saluting-italian-pm-giorgia-meloni-at-g7-summit-he-doesnt-know-where-he-is-101718279689269.html

Benvenuti in Italia 🇮🇹 #G7Italy pic.twitter.com/jru6jKNO5x

— Giorgia Meloni (@GiorgiaMeloni) June 13, 2024