Visit:
Venezuela : దక్షిణ అమెరికా దేశమైన వెనుజువెలా(Venezuela)పై అమెరికా మెరుపు దాడి ప్రపంచాన్ని నివ్వెరపరిచింది. శనివారం హఠాత్తుగా సైన్యంతో చొరబడిన అమెరికా.. ఆ దేశ అధ్యక్షుడు ముదిరో(Mudiro)ను ఆయన భార్యతో సహా బంధీగా తీసుకొచ్చింది. డ్రగ్స్ ముఠాకు అడ్డుకుట్ట వేయాలని డొనాల్డ్ ట్రంప్ పదేపదే హెచ్చరించినా బేఖాతరు చేయడంతోనే ఆపరేషన్ అబ్యల్యూట్ రిసాల్వ్ను అమెరికా సిద్ధపడింది. అయితే.. వెనుజువెలాపై నిరుడు క్రిస్మస్కు ముందే పక్కా ప్రణాళికతో దాడి చేయాలని యూఎస్ఏ భావించిందట. కానీ, అనుకోకుండా వాయిదా వేసుకోవాల్సి వచ్చిందని జాయింట్ చీఫ్స్ చైర్మన్ జెనరల్ డాన్ కైన్ (Don Caine) తెలిపారు.
యావత్ ప్రపంచాన్ని ఆశ్చర్యానికి గురిచేస్తూ వెనుజువెలాపై అకస్మిక దాడి చేసింది అమెరికా. ఇదంతా రెండు మూడు రోజుల్లో ప్రణాళిక వేసుకొని చేసింది మాత్రం కాదనేది వాస్తవం. అవును.. ఆ దేశంపై దాడికి కొన్ని నెలల ముందే అమెరికా సైన్యం రిహార్సల్స్ చేసింది. 150కి పైగా యుద్ధ విమానాలు, డ్రోన్స్ ఉపయోగించి శనివారం ‘ఆపరేషన్ అబ్జల్యూట్ రిసాల్వ్’ (Operation Absolute Resolve)ను విజయవంతంగా పూర్తి చేసింది యూఎస్ సైన్యం. అయితే.. నిరుడు క్రిస్మస్కు ముందే వెనుజువెలాపై విధ్వంసానికి అమెరికా యత్నించిందని జాయింట్ చీఫ్స్ చైర్మన్ జెనరల్ డాన్ కైన్ తెలిపారు.
🚨BREAKING: This is unbelievable.
Donald Trump is literally falling asleep while General Dan Caine explains the operation.
This government is a clown show.
— CALL TO ACTIVISM (@CalltoActivism) January 3, 2026
‘క్రిస్మస్ ముందే దాడి చేయాలనుకున్నాం. సైన్యం కూడా సన్నద్ధంగా ఉంది. కానీ, వాతావరణం అనుకూలించకపోవడం, మేఘాలు తక్కువ ఎత్తులో ఉండడమే కాకుండా పర్వతాలు, సముద్రాలు కూడా అవరోధంగా మాడంతో కారణంగా దాడిని వాయిదా వేసుకున్నాం. ప్రపంచంలోని సుశిక్షితులైన వైమానిక దళం మాత్రమే ఈ సాహసం చేయలగలదు’ అని డాన్ కైన్ పేర్కొన్నారు.
జనవరి 2 శుక్రవారం రాత్రి 10:46 గంటలకు ట్రంప్ గుడ్ లక్… వేగంగా ముగించేయండి అని తన సైన్నానికి చెప్పారు. అధినేత ఆదేశాలు రావడమే ఆలస్యం.. పశ్చిమ ప్రాంతంలోని 20 స్థావరాల నుంచి వెనుజువెలా రాజధాని కరాకస్పై దండెత్తింది సైన్యం. శనివారం ఉదయం 2:01 గంటలకు అధ్యక్షుడు ముదురో నివాసానికి అమెరికా ఆర్మీ చేరుకుంది. 30 నిమిషాల వ్యవధిలోనే ఆ దేశ ప్రధాన సైనిక కేంద్రాలు, వాయు, నౌకా కేంద్రాలను పేల్చేసిన యూఎస్ సైన్యం.. అనంతరం ముదరో,ఆయన భార్య ఫ్లోరెన్ను బంధీగా పట్టుకొని అమెరికాకు తరలించింది. వెనుజువెలాలో భారీగా ఉన్న చమురు నిల్వలపై ట్రంప్ కన్ను పడిందని.. అందుకే ఆ దేశాన్ని హస్తగతం చేసుకునేందుకు ఆయన ఈ దాడికి తెగించారని మీడియాలో కథనాలు వస్తున్నాయి.
