Israili soldiers | యుద్ధం మొదలైన తర్వాత ఇజ్రాయెల్కు భారీ ఎదురుదెబ్బ.. హమాస్ దాడిలో 24 మంది సైనికులు మృతి
Israili soldiers | హమాస్ మిలిటెంట్లతో యుద్ధం మొదలైన తర్వాత తొలిసారి ఇజ్రాయెల్ సైన్యానికి గట్టి ఎదురుదెబ్బ తగిలింది. హమాస్ మిలిటెంట్లు ఆర్పీజీ లాంచర్ను ప్రయోగించడంతో 21 మంది ఇజ్రాయెల్ సైనికులు మృతి చెందారు. మరో దాడిలో మరో ముగ్గురు సైనికులు మరణించారు. మొత్తం 24 మంది ఇజ్రాయెల్ సైనికులు ఈ దాడిలో మృతిచెందారు.
Israili soldiers : హమాస్ మిలిటెంట్లతో యుద్ధం మొదలైన తర్వాత తొలిసారి ఇజ్రాయెల్ సైన్యానికి గట్టి ఎదురుదెబ్బ తగిలింది. హమాస్ మిలిటెంట్లు ఆర్పీజీ లాంచర్ను ప్రయోగించడంతో 21 మంది ఇజ్రాయెల్ సైనికులు మృతి చెందారు. మరో దాడిలో మరో ముగ్గురు సైనికులు మరణించారు. మొత్తం 24 మంది ఇజ్రాయెల్ సైనికులు ఈ దాడిలో మృతిచెందారు. ఈ విషయాన్ని ఇజ్రాయెల్ సైన్యం వెల్లడించింది. హమాస్తో యుద్ధం మొదలైన తర్వాత ఇంత భారీ సంఖ్యలో ఇజ్రాయెల్ సైనికులు ప్రాణాలు కోల్పోవడం ఇదే తొలిసారి.
అసలేం జరిగిందంటే.. సెంట్రల్ గాజాలోని రెండు భవనాలను కూల్చేందుకు సోమవారం ఇజ్రాయెల్ సైనికులు పేలుడు పదార్థాలను అమర్చుతున్నారు. అదే సమయంలో సమీపంలోని ట్యాంక్పైకి హమాస్ మిలిటెంట్లు గ్రనేడ్ను ప్రయోగించారు. దాంతో ఇజ్రాయెల్ సైనికులు అమర్చిన పేలుడు పదార్థాలు ఒక్కసారిగా పేలిపోయాయి. రెండు భవనాలు కూలి సైనికుల మీద పడ్డాయి. ఇరవై ఒక్క మంది ఇజ్రాయెల్ సైనికులు శిథిలాల కింద పడి మరణించారు.
ఈ దాడికి కొన్ని గంటల ముందు గాజాలోని ఖాన్ యూనిస్లో ఇజ్రాయెల్ సైన్యం జరిపిన దాడిలో 50 మంది పాలస్తీనా వాసులు మృతిచెందారు. రెండు వర్గాల మధ్య పోరులో అమాయక ప్రజలు ప్రాణాలు కోల్పోకుండా ఇజ్రాయెల్ చర్యలు తీసుకోవాలని అమెరికా సూచించింది. ఈ యుద్ధంతో గాజాలోని 85 శాతం ప్రజలు తమ సొంత ప్రాంతాలను వీడాల్సి వచ్చిందని, ప్రతి నలుగురిలో ఒకరు ఆకలితో అలమటిస్తున్నారని ఐరాస గణాంకాలు వెల్లడించాయి.
అక్టోబర్ 7న హమాస్ మిలిటెంట్లు ఉగ్రదాడి జరిపి దాదాపు 240 మంది ఇజ్రాయెల్ పౌరులను తన చెరలో బంధించారు. ప్రపంచ దేశాల ఒత్తిడితో వారిలో కొందరు విడుదల కాగా దాదాపు 100 మంది బందీలుగానే ఉన్నారు. ఈ క్రమంలో బందీలందరూ విడుదలయ్యే వరకు, హమాస్ను అంతం చేసేవరకు ఈ యుద్ధం కొనసాగుతుందని ఇజ్రాయెల్ ప్రధాని బెంజామిన్ నెతన్యాహు చెబుతున్నారు.
Read Today's Latest International News in Telugu and Telugu News
RELATED ARTICLES
తాజా వార్తలు
Government Orders | అనాలోచితంగా జీవోలు.. ఆపై యూటర్న్లు.. బోరుబావుల తవ్వకాలకు కొత్త వెసులుబాటు
Cyclone Akvan | దూసుకొస్తున్న ‘అక్వాన్’.. మహబూబాద్ భద్రాచలం, ఖమ్మం జిల్లాల్లో వర్షాలు
JNTU Professor Jobs | 30 లక్షలకో ప్రొఫెసర్ పోస్టు.. జేఎన్టీయూలో అక్రమ వసూళ్ల పర్వం!?
Bullet Train | బుల్లెట్ రైలు పేరుతో భూముల వేట.. 1,100 ఎకరాలపై రేవంత్ సర్కార్ కన్ను!
Crop Bonus | ధాన్యం రైతుకు యాప్ దగా.. బోనస్ ఎగవేతకు సర్కార్ ఉద్దేశపూర్వక జాప్యం
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

