New York | భారతీయ జంట పెండ్లి బరాత్‌తో హోరెత్తిన వాల్‌స్ట్రీట్‌..
న్యూయార్క్‌లోని ఐకానిక్‌ వాల్‌స్ట్రీట్‌ ఓ భారతీయ జంట పెండ్లి బరాత్‌తో హోరెత్తింది. ఈ ర్యాలీలో 400 మంది నృత్యం చేస్తున్న వీడియో సోషల్‌మీడియాలో వైరల్‌గా మారింది.
New York | న్యూయార్క్‌: న్యూయార్క్‌లోని ఐకానిక్‌ వాల్‌స్ట్రీట్‌ ఓ భారతీయ జంట పెండ్లి బరాత్‌తో హోరెత్తింది. ఈ ర్యాలీలో 400 మంది నృత్యం చేస్తున్న వీడియో సోషల్‌మీడియాలో వైరల్‌గా మారింది. బంధుగణమంతా రంగురంగుల దుస్తులు ధరించి, బాలీవుడ్‌ పాటలకు స్టెప్పులేశారు. వధూవరులు కూడా ఈ వేడుకలో నృత్యం చేస్తూ ప్రత్యేక ఆకర్షణగా నిలిచారు.
ప్రపంచంలోనే ప్రతిష్టాత్మక ఫైనాన్షియల్‌ స్ట్రీట్‌లో ఈ వేడుక ఆహ్లాదం నింపింది. ఫైనాన్షియల్‌ హబ్‌ కాస్త నృత్యవేదికగా మారిందని, భారతీయ సంప్రదాయం ప్రపంచవేదికపై విరాజిల్లుతున్నదని పలువురు పేర్కొన్నారు. మరికొందరు ఇలాంటి ఆహ్లాదం, ఆనందం భారతీయులతోనే సాధ్యమని వ్యాఖ్యానించారు. వేడుక కొద్దిసేపట్లోనే ఇన్‌స్టాగ్రామ్‌, టిక్‌టాక్‌లో వైరల్‌గా మారింది. ఈ వేడుకను నిర్వహించిన డీజే ఏజే ఇన్‌స్టా పోస్ట్‌లో కామెంట్‌ చేస్తూ వాల్‌స్ట్రీట్‌లో ఇలాంటి నృత్యవేడుక జరుగుతుందని ఎవరూ ఊహించలేదని.. జీవితంలో ఒక్కోసారి ఇలాంటి అద్భుతాలు జరుగుతుంటాయని పేర్కొన్నారు.
View this post on Instagram
View this post on Instagram
Read Today's Latest International News in Telugu and Telugu News
- Follow Us :
-
