యూకేలో భారత విద్యార్థి హత్య!

హర్యానాకు చెందిన విజయ్‌ కుమార్‌ అనే విద్యార్థి గత నెల 25న యూకేలో కత్తిపోట్లకు గురై మరుసటి రోజు మరణించాడు. పంజాబ్‌, హర్యానాకు చెందిన కొందరు ఈ హత్యకు పాల్పడి ఉండొచ్చని మృతుడి కుటుంబం అనుమానిస్తోంది.

లండన్‌ : హర్యానాకు చెందిన విజయ్‌ కుమార్‌ అనే విద్యార్థి గత నెల 25న యూకేలో కత్తిపోట్లకు గురై మరుసటి రోజు మరణించాడు. పంజాబ్‌, హర్యానాకు చెందిన కొందరు ఈ హత్యకు పాల్పడి ఉండొచ్చని మృతుడి కుటుంబం అనుమానిస్తోంది. విజయ్‌ ఉన్నత విద్య కోసం కేంద్ర ప్రభుత్వ ఉద్యోగాన్ని వదిలేసి బ్రిస్టల్‌లోని యూనివర్సిటీ ఆఫ్‌ ది వెస్ట్‌ ఆఫ్‌ ఇంగ్లండ్‌లో చేరారు.

వార్సెస్టర్‌లో రోడ్డు పక్కన తీవ్రంగా గాయపడి ఉన్న విజయ్‌ను దవాఖానలో చేర్చగా నవంబర్‌ 26న మృతి చెందాడని పోలీసులు తెలిపారు. ఈ కేసులో అయిదుగురు అనుమానితుల కు బెయిల్‌ లభించింది. తమ సోదరుడి మృతదేహాన్ని స్వదేశానికి తీసుకు రావడానికి కేంద్రం సహకరించాలని మృతుడి సోదరుడు రవి కుమార్‌ విదేశాంగ మంత్రికి లేఖ రాశారు.