Hindenburg Research: త్వ‌ర‌లో మ‌రో బాంబు పేల్చ‌నున్న హిండెన్‌బ‌ర్గ్‌

Hindenburg Research: మ‌రో బాంబు పేల్చ‌నున్న‌ట్లు చెప్పింది హిండెన్‌బ‌ర్గ్ రీస‌ర్చ్ సంస్థ‌. అదానీపై ఇచ్చిన రిపోర్టుతో సంచ‌ల‌నంగా మారిన ఆ సంస్థ మ‌ళ్లీ ఎటువంటి అప్‌డేట్ ఇస్తుందా అని ఫైనాన్షియ‌ల్ ఇండ‌స్ట్రీ ఎదురుచూస్తోంది.

న్యూయార్క్‌: హిండెన్‌బ‌ర్గ్ రీస‌ర్చ్(Hindenburg Research) సంస్థ త్వ‌ర‌లో కొత్త రిపోర్ట్‌ను రిలీజ్ చేయ‌నున్న‌ది. ఈ విష‌యాన్ని ఆ సంస్థ త‌న ట్విట్ట‌ర్‌లో తెలిపింది. ఇటీవ‌ల అదానీ స్టాక్స్(Adani stocks) అంశంపై అమెరికాకు చెందిన హిండెన్‌బ‌ర్గ్ సంస్థ ఇచ్చిన రిపోర్ట్ వ‌ల్లే.. ఆ కంపెనీ షేర్లు ప‌త‌న‌మైన విష‌యం తెలిసిందే. అయితే ఇప్పుడు హిండెన్‌బ‌ర్గ్ ఎవ‌ర్ని టార్గెట్ చేసింద‌న్న కోణంలో పుకార్లు సాగుతున్నాయి. ఓ అతిపెద్ద విష‌యాన్ని బ‌హిర్గ‌తం చేయ‌నున్న‌ట్లు హిండెన్‌బ‌ర్గ్ త‌న ట్వీట్‌లో వెల్ల‌డించింది.

New report soon—another big one.

— Hindenburg Research (@HindenburgRes) March 22, 2023

జ‌న‌వ‌రి 24వ తేదీన అదానీ గ్రూపుపై హిండెన్‌బ‌ర్గ్ సంస్థ 106 పేజీల రిపోర్టును రిలీజ్ చేసింది. అదానీ సంస్థ ఆర్థిక అక్ర‌మాల‌కు(financial irregularities) పాల్ప‌డిన‌ట్లు ఆ నివేదిక‌లో ఆరోపించింది. ఆ రిపోర్టు వ‌ల్ల అదానీ కంపెనీ ట్రేడింగ్‌లో సుమారు 86 బిలియ‌న్ల డాల‌ర్లు న‌ష్ట‌పోయింది.

త్వ‌ర‌లో రిలీజ్ చేయ‌బోయే రిపోర్టులో ఎవ‌రి గురించి ఉంటుంద‌న్న విష‌యాన్ని ఆ సంస్థ చెప్ప‌లేదు. కానీ ఇటీవ‌ల అమెరికాలో జ‌రిగిన బ్యాంకుల మూసివేత(banks closure) గురించి కొత్త రిపోర్టు ఉంటుంద‌న్న ఊహాగానాలు వినిపిస్తున్నాయి.