చరిత్రలో ఈ రోజు : ఫ్రాన్స్‌లో ఉగ్రవాద దాడులకు ఆరేండ్లు..

Today History : ఫ్రాన్స్‌ ఉగ్రవాదులు దాడులకు తెగబడి నేటికి సరిగ్గా ఆరేండ్లు పూర్తయ్యాయి. ఉగ్రవాదులు ఆరు ప్రాంతాల్లో విచ్చలవిడిగా జరిపిన కాల్పుల్లో దాదాపు 130 మంది

November 13, 2021 / 02:47 PM IST

చరిత్రలో ఈ రోజు : ఫ్రాన్స్‌లో ఉగ్రవాద దాడులకు ఆరేండ్లు..

Today History : ఫ్రాన్స్‌ ఉగ్రవాదులు దాడులకు తెగబడి నేటికి సరిగ్గా ఆరేండ్లు పూర్తయ్యాయి. ఉగ్రవాదులు ఆరు ప్రాంతాల్లో విచ్చలవిడిగా జరిపిన కాల్పుల్లో దాదాపు 130 మంది అసువులు బాసారు. రాత్రి 9.20 గంటలకు ఫుట్‌బాల్‌ స్టేడియం బయట తొలి కాల్పుల సంఘటన జరిగింది. అనంతరం మరో ఐదు ప్రాంతాల్లో ఉగ్రవాదులు కాల్పులు జరపడంతో 130 మంది మరణించగా.. దాదాపు 350 మంది గాయపడ్డారు. ఈ దాడుల అనంతరం ఫ్రాన్స్‌లో ఎమర్జెన్సీ విధించారు.

నవంబర్‌ 13 వ తేదీని ఫ్రాన్స్‌ మరిచిపోదు. ఉగ్రవాదలు దాడులతో మొత్తం ఫ్రాన్స్‌ ప్రజలు భయబ్రాంతులకు గురయ్యారు. ఫ్రాన్స్‌ రాజధాని పారిస్‌లో ఇస్లామిక్‌ స్టేట్‌ ఉగ్రవాదులు నిమిషాల వ్యవధిలో ఆరు ప్రాంతాల్లో కాల్పులకు తెగబడి దాదాపు 130 మంది ప్రాణాలు తీశారు. ఉగ్రవాదులు ఫుట్‌బాల్‌ స్టేడియం వద్ద పెద్ద సంఖ్యలో గుమిగూడిన ప్రజలతో పాటు బార్‌, రెస్టారెంట్‌, కాన్సర్ట్‌హాల్‌ను వదిలిపెట్టలేదు. మొదటి దాడి జరిగిన సమయంలో జర్మనీ, ఫ్రాన్స్ మధ్య ఫుట్‌బాల్‌ మ్యాచ్ జరుగుతున్నది. అప్పటి అధ్యక్షుడు ఫ్రాంకోయిస్ హోలాండే కూడా అక్కడే ఉన్నారు. పెద్ద సంఖ్యలో హాజరైన బేటే కాలన్ కచేరీ హాలులోకి ప్రవేశించిన ముగ్గురు ఉగ్రవాదులు కాల్పులు ప్రారంభించారు. ఈ దాడిలో అత్యధికంగా 89 మంది మరణించారు. 2008 నాటి ముంబై దాడిలో అనుసరించిన వ్యూహాన్నే ఈ దాడిలోనూ ఉగ్రవాదులు అనుసరించినట్లుగా తెలుస్తున్నది.

ఈ దాడులకు అదే ఏడాది జనవరిలో చార్లీ హెబ్డో మ్యాగజైన్‌లో ప్రచురితమైన ప్రవక్త ముహమ్మద్ కార్టూన్ కూడా ఒక కారణమని భావిస్తున్నారు. 2004 మార్చిలో స్పానిష్ రాజధాని మాడ్రిడ్‌లో జరిగిన దాడి తర్వాత ఇదే అత్యంత దారుణమైనదిగా భావిస్తున్నారు.