Fire @ Jeddah Oil Depot | జెడ్డా ఆయిల్ డిపోలో అగ్ని ప్ర‌మాదం.. హుతిల ప‌నేనా?!

Fire @ Jeddah Oil Depot | సౌదీ అరేబియా జెడ్డా సిటీలో ఆయిల్ డిపోలో మంట‌లు చెల‌రేగాయి. హుతి తిరుగుబాటుదారుల ప‌నేన‌ని అనుమానిస్తున్నారు.

Fire @ Jeddah Oil Depot | సౌదీ అరేబియాలోని జెడ్డా న‌గ‌రంలోని ఆయిల్ డిపోలో అగ్ని ప్ర‌మాదం సంభ‌వించింది. ఎఫ్‌1 రేస్ ప్రారంభం కానుండ‌గా జెడ్డాలోని ఆయిల్ డిపోలో శుక్ర‌వారం మంట‌లు చెల‌రేగ‌డం ఆందోళ‌న‌క‌ర‌మ‌ని చెబుతున్నారు. మంట‌లు, భారీ పొగ‌తో కూడిన దృశ్యాల వీడియోలు ఇంట‌ర్నెట్‌లో చక్క‌ర్లు కొడుతున్నాయి. ఈ ప్ర‌మాదానికి అస‌లు కార‌ణాలు తెలియ రాలేదు. అయితే హుతి తిరుగుబాటుదారులే ఈ ఆయిల్ డిపోపై పాల్ప‌డి ఉంటార‌న్న అనుమానాలు ఉన్నాయి.

ఈ ఘ‌ట‌న‌పై సౌదీ అరేబియా ఆయిల్ కంపెనీ గానీ, అధికారిక మీడియా గానీ స్పందించ‌లేదు. కొన్ని రోజుల క్రితం జెడ్డాలోని ఓ ఆయిల్ డిపోలో ఇటువంటి దాడి జ‌ర‌గ‌డం గ‌మ‌నార్హం.

యెమెన్ హుతి తిరుగుబాటుదారులు న‌డుపుతున్న ఆల్‌-మాసిరాహ్ శాటిలైట్ న్యూస్ చానెల్‌లో తిరుగుబాటు దారులు త‌మ దాడులకు సంబంధించిన వివ‌రాల‌ను త‌ర్వాత విడుద‌ల చేస్తామ‌ని ప్ర‌క‌టించారు. జెడ్డా అగ్ని ప్ర‌మాదం వెనుక తామే ఉన్నామ‌ని మాత్రం హుతి తిరుగుబాటుదారులు ప్ర‌క‌టించుకోలేదు.