ఎవరైనా మూర్ఖుడు దొరికితే.. ట్విట్టర్‌ సీఈవో పదవి నుంచి తప్పుకుంటా: ఎలాన్‌ మస్క్‌

Elon Musk | ప్రముఖ సామాజిక మాధ్యమం ట్విట్టర్‌ సీఈఓ పదవి నుంచి త్వరలో తప్పుకుంటానని ఎలాన్‌ మస్క్‌ ప్రకటించారు. ఈ ఉద్యోగంలో చేరే మూర్ఖుడు దొరికిన వెంటనే తాను సీఈఓ పదవికి రాజీనామా

శాన్‌ఫ్రాన్సిస్కో: ప్రముఖ సామాజిక మాధ్యమం ట్విట్టర్‌ సీఈఓ పదవి నుంచి త్వరలో తప్పుకుంటానని ఎలాన్‌ మస్క్‌ ప్రకటించారు. ఈ ఉద్యోగంలో చేరే మూర్ఖుడు దొరికిన వెంటనే తాను సీఈఓ పదవికి రాజీనామా చేస్తానని తెలిపారు. అనంతరం తాను సాఫ్ట్‌వేర్‌, సర్వర్స్‌ విభాగాలను మాత్రమే చూసుకుంటానని ట్విట్టర్‌ వేదికగా వెల్లడించారు.

‘నేను సీఈవో పదవికి తొందర్లోనే రాజీనామా చేస్తా. ఈ ఉద్యోగం చేసేంత మూర్ఖుడు దొరికిన వెంటనే నేను సీఈఓగా తప్పుకుంటా. కేవలం సాఫ్ట్‌వేర్‌, సర్వర్స్‌ టీమ్‌లను నిర్వహిస్తా’ అంటూ మస్క్‌ ట్వీట్‌ చేశారు.

I will resign as CEO as soon as I find someone foolish enough to take the job! After that, I will just run the software & servers teams.

— Elon Musk (@elonmusk) December 21, 2022

ట్విట్టర్ సీఈవో పదవి నుంచి తప్పుకోవాలా? వద్దా? అంటూ మైక్రోబ్లాగింగ్‌ సైట్‌లో రెండు రోజుల క్రితం మస్క్‌ పోల్‌ నిర్వహించిన విషయం తెలిసిందే. మీరు ఏం కోరుకుంటే అదే జరుగుతుందని అందులో పేర్కొన్నారు. దీంతో ట్విట్టర్‌ ఖాతాదారుల్లో 57.5 మంది సీఈఓ పదవి నుంచి తప్పుకోవాలని ఓటువేయగా, 42.5 శాతం మంది వద్దన్నారు. ఈ నేపథ్యంలో త్వరలోనే తన పదవికి రాజీనామా చేస్తానని మస్క్‌ ప్రకటించారు.