కప్పు కాఫీతో మెదడుకు బూస్ట్‌

ప్రతి రోజూ ఒక కప్పు కాఫీ తాగితే జ్ఞాపకశక్తి పెరుగుతుందని, మెదడు పనితీరు మెరుగవుతుందని తాజా అధ్యయనం పేర్కొన్నది. కాఫీ కెఫిన్‌ను మించి బ్రెయిన్‌కు ప్రత్యేకమైన బూస్ట్‌ ఇస్తుందని తెలిపింది.

శాన్‌ఫ్రాన్సిస్కో, జూలై 10: ప్రతి రోజూ ఒక కప్పు కాఫీ తాగితే జ్ఞాపకశక్తి పెరుగుతుందని, మెదడు పనితీరు మెరుగవుతుందని తాజా అధ్యయనం పేర్కొన్నది. కాఫీ కెఫిన్‌ను మించి బ్రెయిన్‌కు ప్రత్యేకమైన బూస్ట్‌ ఇస్తుందని తెలిపింది.

కాఫీ తాగడం వలన కలిగే లాభాలు, ప్రభావాలను సాదా కెఫిన్‌ పాక్షికంగా మాత్రమే కలిగిస్తుందని ‘ఫ్రంటియర్‌ ఇన్‌ బిహేవియరల్‌ న్యూరోసైన్సెస్‌’ జర్నల్‌లో ప్రచురితమైన అధ్యయనంలో పరిశోధకులు అభిప్రాయపడ్డారు. కాఫీ సేవించడం వలన మెదడులో చురుకుదనాన్ని పెంచడమే కాకుండా.. జ్ఞాపకశక్తి, లక్ష్య నిర్దేశిత ప్రవర్తనను కూడా ప్రభావితం చేస్తుందని, దృష్టిని నియంత్రించే మెదడులోని నరాల నెట్‌వర్క్‌ కనెక్టివిటీని పెంచుతుందని తెలిపారు.