Visit:
కారకాస్: వెనెజువెలాలో సంభవించిన జంట భూకంపాల్లో మృతులు, గాయపడినవారు, గల్లంతైనవారి సంఖ్య అంతకంతకూ పెరుగుతోంది. ఈ విపత్తులో ఇప్పటివరకూ 589 మంది మృతి చెందారని, 4,300 మంది గాయపడ్డారని ఆ దేశ ఆరోగ్య శాఖ శుక్రవారం తెలిపింది. భవనాల శిథిలాల కింద చాలా మంది చిక్కుకుపోయారని, 40 వేల మందికిపైగా ప్రజల జాడ తెలియడంలేదని పేర్కొంది. భూకంపానికి తీవ్రంగా ప్రభావితమైన లాగువేరాలో పరిస్థితి దయనీయంగా ఉందని వివరించింది. ఇక్కడ వందకుపైగా భారీ భవనాలు నేలమట్టమైనట్లు ఐక్యరాజ్య సమితి ప్రతినిధులు వెల్లడించారు.
జంట భూకంపాలతో అతలాకుతలమైన వెనెజువెలాను ఆదుకునేందుకు ‘ఆపరేషన్ ఆమిస్టాడ్’ పేరుతో భారత్ సహాయక చర్యలు కొనసాగిస్తున్నదని విదేశాంగమంత్రి ఎస్ జై శంకర్ తెలిపారు. దీనిలో భాగంగా సహాయక చర్యలకు అవసరమైన సామగ్రితో భారత్ సైన్యానికి చెందిన రెండు సీ17 విమానాలు బయలుదేరినట్లు చెప్పారు. సైన్యానికి చెందిన ఫీల్డ్ హాస్పిటల్ యూనిట్ క్షతగాత్రులకు చికిత్స అందించేందుకు రెండు మొబైట్ ఆస్పత్రి టెంట్లు, 25 టన్నులకుపైగా సహాయక సామగ్రి పంపినట్లు తెలిపారు.
భూకంపం సంభవించిన లాగువైరా ప్రాంతంలో శిథిలాల్లో చిక్కుకున్న ఒక మహిళ శిశువుకు జన్మనిచ్చింది. రెండు రోజుల పాటు భవనపు శిథిలాల్లో చిక్కుకుపోయిన ఆమెను రెస్క్యూ సిబ్బంది బయటకు తీసుకువచ్చారు. స్థానికులు ఆ శిథిలాల్లోనే ఆమెకు పురుడు పోశారు. దీనికి సంబంధించిన వీడియోను చూసిన వారంతా కంట తడి పెట్టుకుంటున్నారు.
