అమెరికా ఓటర్ల డాటాలోకి చొరబడ్డ క్లాడ్‌

ఏఐ మోడల్‌ క్లాడ్‌ పేవాల్‌ను దాటి, మానవ అనుమతి లేకుండా అమెరికాలోని జార్జియా రాష్ర్టానికి చెందిన బహిరంగంగా అందుబాటులో ఉన్న మొత్తం ఓటర్ల డాటాను యాక్సెస్‌ చేసిందని ఆంథ్రోపిక్‌ ఆదివారం ఒక ప్రకటనలో తెలిపింది. అయితే జార్జియా రాష్ట్ర ఓటర్‌ నమోదు వ్యవస్థను యాక్సెస్‌ చేయడం కాని, మార్చడం కాని, ఓటింగ్‌ రికార్డులను బయటకు తీయడం కాని క్లాడ్‌ చేయలేదని వెల్లడించింది.

వాషింగ్టన్‌: ఏఐ మోడల్‌ క్లాడ్‌ పేవాల్‌ను దాటి, మానవ అనుమతి లేకుండా అమెరికాలోని జార్జియా రాష్ర్టానికి చెందిన బహిరంగంగా అందుబాటులో ఉన్న మొత్తం ఓటర్ల డాటాను యాక్సెస్‌ చేసిందని ఆంథ్రోపిక్‌ ఆదివారం ఒక ప్రకటనలో తెలిపింది. అయితే జార్జియా రాష్ట్ర ఓటర్‌ నమోదు వ్యవస్థను యాక్సెస్‌ చేయడం కాని, మార్చడం కాని, ఓటింగ్‌ రికార్డులను బయటకు తీయడం కాని క్లాడ్‌ చేయలేదని వెల్లడించింది.

ఇలాంటి చర్యలను బ్లాక్‌ చేసేందుకు తగిన చర్యలు తీసుకున్నట్టు పేర్కొంది. అమెరికా ప్రభుత్వ ఆధ్వర్యంలోని వెబ్‌సైట్లలోని డాటాను కూడా క్లాడ్‌ యాక్సెస్‌ చేయగలిగిందని ఈ నెల మొదట్లో ఆంథ్రోపిక్‌ తెలిపింది. జార్జియా ఓటర్ల డాటాను క్లాడ్‌ యాక్సెస్‌ చేయడంపై ఆ రాష్ట్ర సెక్రటరీ ఇంకా స్పందించలేదు.