కెన‌డాలో వింత వ్యాధి.. యువతలోనే ఎక్కువ

Canadian whistleblower | హవానా సిండ్రోమ్‌, సూడాన్‌ డిసీజ్‌లపై ఇంకా ఒక స్పష్టత రాకముందే, కెనడాలో మరో వింతవ్యాధి ప్రబలుతున్నట్టు వార్తలు వెలువడుతున్నాయి. యువతకే ప్రధానంగా సోకుతున్నదని అంటున్నారు. ఈ కొత్తవ్యాధి

న్యూఢిల్లీ: హవానా సిండ్రోమ్‌, సూడాన్‌ డిసీజ్‌లపై ఇంకా ఒక స్పష్టత రాకముందే, కెనడాలో మరో వింతవ్యాధి ప్రబలుతున్నట్టు వార్తలు వెలువడుతున్నాయి. యువతకే ప్రధానంగా సోకుతున్నదని అంటున్నారు. ఈ కొత్తవ్యాధి సోకినవారి గ్రహణేంద్రియాలు పనిచేయడం మానేస్తాయని వైటాలిటీ మెడికల్‌ నెట్‌వర్క్‌కు చెందిన ఓ ఉద్యోగి బయటపెట్టారు. గతంలో ఎలాంటి ఆరోగ్య సమస్యలు లేని కౌమారుల్లో ఈ వ్యాధి లక్షణాలు కనిపించడం ఆందోళన కలిగిస్తున్నదని అన్నారు. వేగంగా బరువును కోల్పోవడం, నిద్ర పట్టకపోవడం, ఆలోచనా శక్తి, కదలికలు తగ్గిపోవడం వంటివి వ్యాధి లక్షణాల్లో ఉన్నాయని పేర్కొన్నారు.

గత ఏడాది ఈ వ్యాధి గురించి వెల్లడైంది. ఈ వ్యాధి ఎక్కువగా ఉన్న కెనడాలోని బ్రన్స్‌విక్‌ రాష్ట్రంలో రోగుల సంఖ్య 48 వద్ద స్థిరంగా కొనసాగుతున్నది. ఆ సంఖ్య నిజానికి 150 దాటిందని కొందరు అంటున్నారు. ఇతర ప్రాంతాల్లో అజ్ఞాతంగా వ్యాధి ప్రబలుతూ ఉండొచ్చని కూడా వినిపిస్తున్నది. పర్యావరణ కారణాల వల్ల ఈ వింతవ్యాధి ప్రబలుతున్నట్టు చర్చ జరుగుతున్నది.