బుధవారం 08 ఏప్రిల్ 2020
International - Mar 10, 2020 , 07:09:59

కరోనా రాదని నాటుసారా తాగి 27 మంది మృతి

కరోనా రాదని నాటుసారా తాగి 27 మంది మృతి

ఇరాన్‌: ఇరాన్‌లో వదంతులు ప్రాణాలు తీశాయి. మద్యంతో కరోనా తగ్గిపోతుందంటూ ప్రచారం చేశారు. దీంతో నాటు సారా తాగి 27 మంది మృతి చెందారు. మరో 218 మంది అస్వస్థతకు గురయ్యారు. బాధితులను స్థానికులు ఆస్పత్రికి తరలించారు. కరోనా వైరస్‌తో ఇరాన్‌ అతలాకుతలమైపోతుంది. నిన్న ఒక్కరోజే కరోనా వైరస్‌తో 43 మంది మృతి చెందారు. ఇరాన్‌లో నిన్న ఒక్కరోజే 595 కేసులు నమోదయ్యాయి. ఇప్పటి వరకు ఇరాన్‌లో 237 మంది మృతి చెందారు. మరో ఏడువేల మందికి కరోనా వైరస్‌ సోకింది. కరోనా ప్రభావం ఖైదీలపై ఉండటంతో 70వేల మంది ఖైదీలను ఇరాన్‌ ప్రభుత్వం విడుదల చేసింది. ప్రపంచ వ్యాప్తంగా 113 దేశాలకు కరోనా వైరస్‌ పాకింది. కరోనా వైరస్‌ మృతుల సంఖ్య 4009కి చేరింది. ఇప్పటి వరకు 1,14,285 మంది వైరస్‌ బారిన పడ్డారు. ఇటలీలో నిన్న ఒక్కరోజే 97 మంది మృతి చెందగా, 1797 కేసుల నమోదయ్యాయి.  చైనాలో కొత్తగా మరో నాలుగు కేసులు నమోదు కాగా, ఒకరు మృతి చెందారు. 


logo