మరింత విశాలంగా గ్రేటర్‌ రహదారులు

నగరాన్ని మరింత సుందరంగా మార్చేందుకు స్టాండింగ్‌ కమిటీ పలు నిర్ణయాలు తీసుకుంది. రహదారుల, విస్తరణ చెరువుల శుద్ధీకరణ, పచ్చదనం పెంపునకు ఆమోదం తెలిపింది.

• పలు చోట్ల రోడ్డు వెడల్పు పనులకు గ్రీన్‌ సిగ్నల్‌..
• ఆస్తుల సేకరణకు జీహెచ్‌ఎంసీ స్టాండింగ్‌ కమిటీ ఆమోదం
• సీఎస్‌ఆర్‌తో సుందరీకరణకు ముందుకువచ్చిన కార్పొరేట్‌ సంస్థలు..
• 23 అంశాలకు ఆమోదం తెలిపిన స్టాండింగ్‌ కమిటీ సభ్యులు

సిటీబ్యూరో, మార్చి 21 (నమస్తే తెలంగాణ) : నగరాన్ని మరింత సుందరంగా మార్చేందుకు స్టాండింగ్‌ కమిటీ పలు నిర్ణయాలు తీసుకుంది. రహదారుల, విస్తరణ చెరువుల శుద్ధీకరణ, పచ్చదనం పెంపునకు ఆమోదం తెలిపింది. నగర్‌ మేయర్‌ గద్వాల్‌ విజయలక్ష్మి అధ్యక్షతన మంగళవారం జరిగిన స్టాండింగ్‌ కమిటీ సమావేశంలో 23 అంశాలకు ఆమోదం తెలిపారు. గతంలో ఎన్నడూ లేని విధంగా రహదారుల విస్తరణకు అనుగుణంగా భారీ ఆస్తుల సేకరణకు గ్రీన్‌ సిగ్నల్‌ ఇచ్చారు.

మురికికూపంగా మారిన చెరువులను స్వచ్ఛంగా మార్చేందుకు మురుగునీటి మళ్లింపు చర్యలు చేపట్టనున్నారు. సీఎస్‌ఆర్‌తో కార్పొరేట్‌ కంపెనీలు ముందుకు వచ్చి గ్రీనరీ పెంపునకు దత్తత తీసుకున్నాయి. స్టాండింగ్‌ కమిటీ సభ్యులైన శాంతి సాయి జెన్‌ శేఖర్‌, సయ్యద్‌ మినహజుద్దీన్‌, సయ్యద్‌ సోహెల్‌ ఖాద్రీ, శమీనా బేగం, అబ్దుల్‌ వహాబ్‌, మహ్మద్‌ అబ్దుల్‌ ముఖద్దర్‌, మహ్మద్‌ మాజీద్‌ హుస్సేన్‌, మహ్మద్‌ రషీద్‌ ఫరజుద్దీన్‌, బండారి రాజ్‌ కుమార్‌, సంగీత యాదవ్‌, నరేందర్‌ యాదవ్‌, సతీశ్‌ బాబు, ఈఎస్‌ రాజ్‌, జితేందర్‌ నాథ్‌, సునీత, మహేశ్వరి, పాల్గొన్నారు.

స్టాండింగ్‌ కమిటీ సమావేశంలో ఆమోదం పొందిన అంశాలివే..

• కార్పొరేట్‌ సోషల్‌ రెస్పాన్స్‌బులిటీ కింద శేరిలింగంపల్లి జోన్‌లో గచ్చిబౌలి నుంచి జీపీఆర్‌ఎస్‌ క్వార్టర్స్‌ మీదుగా బ్రహ్మకుమారి సరిల్‌ 20లో సెంట్రల్‌ మీడియన్‌ సుందరీకరణ కోసం మూడు ఏళ్ల పాటు గమన్‌ మల్టీ స్పెషాలిటీ హాస్పిటల్‌ తమ సొంత నిధులతో నిర్వహణ చేసేందుకు ముందుకు వచ్చారు. నిర్వాహకులతో శేరిలింగంపల్లి జోనల్‌ కమిషనర్‌కు ఎంఓయూ చేసుకునేందుకు అనుమతికి కమిటీ ఆమోదం తెలిపింది.
• రోడ్‌ డెవలప్‌మెంట్‌లో భాగంగా 18 మీటర్ల రోడ్డు వెడల్పునకు గాను ఖాజా మెన్షన్‌ ఫంక్షన్‌ హాల్‌ అప్రోచ్‌ రోడ్‌ నుంచి అహ్మద్‌ నగర్‌, ధనబాల రెసిడెన్సీ నుంచి సరోజినీదేవి రోడ్డు వరకు లింక్‌ రోడ్డు ఏర్పాటుకు 178 ఆస్తులు సేకరణ.
• డిసెంబర్‌, 2022 మాసంలో వచ్చిన ఆదాయ వ్యయాలను చీఫ్‌ ఎగ్జామినర్‌ అకౌంట్స్‌ కమిటీ తెలియజేసి ఆమోదం తెలిపారు.
• హెరిటేజ్‌ బిల్డింగ్‌ నుంచి భారతీయ విద్యా భవన్‌ వరకు 12 మీటర్ల రోడ్డు, హెరిటేజ్‌ బిల్డింగ్‌ నుంచి కింగ్‌ కోఠి వరకు, సెయింట్‌ జోసెఫ్‌ డిగ్రీ కాలేజ్‌ నుంచి తిరిగి కింగ్‌ కోఠి వరకు ప్రతిపాదిత రోడ్డు వెడల్పు చేసేందుకు 29 ఆస్తుల సేకరణ.
• ఎన్‌ఐఏ నుంచి డీసీసీ క్రికెట్‌ గ్రౌండ్‌ వరకు రోడ్డు వెడల్పునకు 14 ఆస్తుల సేకరణం.
• రెయిన్‌ బజార్‌ చమాన్‌ నుంచి అనుమోల్‌ హోటల్‌ ఫతేశ్‌ నగర్‌ జంక్షన్‌ వరకు 30 మీటర్ల రోడ్డు వెడల్పునకు గాను 136 ఆస్తుల సేకరణ.
• చంద్రాయణగుట్ట పోస్ట్‌ ఆఫీస్‌ నుంచి గుర్రం చెరువు వయా, ఉమర్‌ మజీద్‌ నుంచి చర్చి వరకు రోడ్డు వెడల్పునకు ప్రభుత్వానికి సమాచారం ఇస్తు మాస్టర్‌ ప్లాన్లు చేర్చి, 162 ఆస్తుల సేకరణ.
• ఉషా ముళ్లపూడి రోడ్డు (కూకట్‌పల్లి) నుంచి గాజుల రామారం వయా కూకట్‌ పల్లి ఎల్లమ్మబండ వరకు 30 మీటర్ల రోడ్డు వెడల్పునకు 332 ఆస్తుల సేకరణ.
• పీలి దర్గా సలాం నుంచి నబిల్‌ కాలనీ కల్వర్టు జీహెచ్‌ఎంసీ లిమిట్‌ వరకు రోడ్డు వెడల్పునకు 102 ఆస్తుల సేకరణ.
• కుత్బుల్లాపూర్‌ రోడ్డు నుంచి పైప్‌ లైన్‌ మధ్య లింక్‌ రోడ్‌ వయా గోదావరి హోమ్స్‌ వరకు 18 మీటర్ల రోడ్డు ప్రభుత్వానికి తెలియ జేస్తూ మాస్టర్‌ ప్లాన్లు చేర్చుటకు 68 ఆస్తుల సేకరణం.
• కల్వరి టెంపుల్‌ నుంచి హఫీజ్‌పేట మంజీరా పైప్‌ లైన్‌ పాయింట్‌ రోడ్డు వరకు 24మీటర్ల రోడ్డు వెడల్పునకు , గ్రేవ్‌ యార్డ్‌ నుంచి బాంబే హైవే వయా రెండు పడక గదుల ఇండ్ల మీదుగా హఫీజ్‌ పేట్‌ చెరువు 18 మీటర్ల రోడ్ల వెడల్పునకు, వెస్ట్రన్‌ సైడ్‌ గల మేడికుంట చెరువు నుంచి నేషనల్‌ హైవే 9 బాంబే హైవే వయా మాతృశ్రీ నగర్‌ 12 మీటర్ల రోడ్డు వెడల్పునకు మొత్తం 98 ఆస్తుల సేకరణ.
• సరూర్‌ నగర్‌ సరిల్‌ విజయపూరి కాలనీ రోడ్‌ నం 2 (వీఎం హోం కంపౌండ్‌ వాల్‌) నుంచి ఎస్‌ఆర్‌ఎల్‌ కాలనీ వరకు రూ. 598 లక్షల వ్యయంతో చేపట్టే స్ట్రామ్‌ వాటర్‌ నాలా నిర్మాణానికి టెండర్స్‌ పిలవడానికి పరిపాలన అనుమతి.
• రాజేంద్రనగర్‌ మండలం లోని ముల్గాడ్‌ చెరువులో మురుగు నీరు రాకుండా డైవర్షన్‌ నాలా పనులకు రూ.300 లక్షలతో నిర్మించేందుకు పరిపాలన, టెండర్‌ పిలిచేందుకు అనుమతి.
• శేరిలింగంపల్లి మదీనాగూడలో ఈర్ల చెరువుకు మురుగు నీటి మళ్లింపు, ఫెన్సింగ్‌ పనులకు రూ. 263.5 లక్షలతో చేపట్టేందుకు టెండర్లను పిలవడానికి అనుమతి.
• కూకట్‌పల్లి ఎల్లమ్మ చెరువు వద్ద నుంచి మురుగునీటి మళ్లింపునకు రూ. 274 లక్షలతో నిర్మించేందుకు పరిపాలన, టెండర్స్‌ కాల్‌ చేయడానికి అనుమతి.
• పుప్పాలగూడ గ్రామ భగీరథమ్మ చెరువుకు మురుగునీటి మళ్లింపునకు రూ.257 లక్షలతో నిర్మించేందుకు పరిపాలన టెండర్‌ మంజూరు.
• సరూర్‌ నగర్‌ విలేజ్‌ పెద్ద చెరువు వద్ద తూము నిర్మాణం చేసేందుకు రూ. 299 లక్షలు పరిపాలన ఆమోదం.
• సీఎస్‌ఆర్‌ కింద గతంలో చెరువుల పునరుద్ధరణకు 9 ఏజెన్సీలు ఆసక్తితో ముందుగా రాగా..ప్రస్తుతం ఆయా ఏజెన్సీలు ఆసక్తి చూప లేకపోవడంతో కొత్తగా మూడు ఏజెన్సీలకు చెరువుల పునరుద్ధరణకు కమిషనర్‌ ఎంఓయూ .
• చీఫ్‌ ఎగ్జామినేషన్‌ ఆఫ్‌ అకౌంట్స్‌ ద్వారా జనవరి 31 తేదీ వరకు ఆదాయ వ్యయ స్టేట్‌మెంట్లకు ఆమోదం.
• సనత్‌ నగర్‌ కేఎల్‌ఎన్‌వై పార్‌ పునరుద్ధరణ పనులు రూ.241.80 లక్షల పరిపాలన ఆమోదం.
• సీఎస్‌ఆర్‌ కింద కొండాపూర్‌ గార్డెన్‌, బొటానికల్‌ గార్డెన్‌ నుంచి మజీద్‌ బండ వరకు సెంట్రల్‌ మీడియం/ ట్రాఫిక్‌ ఐలాండ్‌ ను మార్చి 2023 నుంచి ఫిబ్రవరి 2026 వరకు చిరెక్‌ ఇంటర్నేషనల్‌ సూల్‌కు జోనల్‌ కమిషనర్‌ కు ఎంఓయూ అనుమతి.
• సీఎస్‌ఆర్‌ కింద జయభేరి ఎంక్లేవ్‌ నుంచి రాడిసన్‌ హోటల్‌ మీదుగా డీఎల్‌ఎఫ్‌ సైబర్‌ సిటీ వరకు గ్రీన్‌ బెల్ట్‌ ఏర్పాటు చేసేందుకు మార్చి 2023 నుంచి ఫిబ్రవరి 2026 వరకు డీఎల్‌ఎఫ్‌ ఫౌండేషన్‌ సొంత నిధులతో నిర్వహణ చేసేందుకు జోనల్‌ కమిషనర్‌కు ఎంఓయూకు అనుమతి.
• కాగా టేబుల్‌ ఐటమ్‌గా ఎస్‌ఆర్‌డీపీ ద్వారా పాత చత్రిఖానా పోలీస్‌ స్టేషన్‌ నుంచి ఉప్పుగూడ మహంకాళి టెంపుల్‌ వరకు రూ.2.50 కోట్ల వ్యయంతో 60 ఫీట్ల సీసీ రోడ్డుతో పాటుగా ఫుట్‌ పాత్‌ నిర్మాణం తెలిపారు. ఈ సమావేశంలో కమిషనర్‌ డీఎస్‌ లోకేశ్‌ కుమార్‌, ఈవీడీయం డైరెక్టర్‌ ప్రకాశ్‌ రెడ్డి, ఈఎన్‌సీ జియా ఉద్దీన్‌, సీఈ దేవానంద్‌, అడిషనల్‌ కమిషనర్లు ప్రియాంక అలా, వి.కృష్ణ, జయరాజ్‌ కెన్నెడీ, విజయ లక్ష్మి, సరోజ, ఓఎస్‌డీ సురేశ్‌ కుమార్‌, సీసీపీ దేవేందర్‌ రెడ్డి, అడిషనల్‌ సీసీపీ శ్రీనివాస్‌, అకౌంట్‌ చీఫ్‌ ఎగ్జామినర్‌ వెంకటేశ్వర రెడ్డి, వెటర్నరీ చీఫ్‌ డా. అబ్దుల్‌ వకీల్‌, చీఫ్‌ ఎంటమాలజిస్ట్‌ డాక్టర్‌ రాంబాబు, జోనల్‌ కమిషనర్‌ మమత, పంకజ, రవికిరణ్‌, శంకరయ్య, శ్రీనివాస్‌ రెడ్డి, సెక్రటరీ లక్ష్మి పాల్గొన్నారు.