ఓల్డ్‌ అల్వాల్‌ జ్యోతినగర్‌ జంక్షన్‌లో..

ఓల్డ్‌ అల్వాల్‌లోని జ్యోతినగర్‌ జంక్షన్‌ వద్ద నిర్మిస్తున్న బాక్స్‌ డ్రైన్‌ నిర్మాణ పనుల నేపథ్యంలో ఈ మార్గాల్లో పలు చోట్ల ట్రాఫిక్‌ను దారి మళ్లించనున్నట్లు సైబరాబాద్‌ ట్రాఫిక్‌ డీసీపీ టి.శ్రీనివాసరావు తెలిపారు.

• నెలపాటు ట్రాఫిక్‌ ఆంక్షలు

సిటీబ్యూరో, జనవరి 2 (నమస్తే తెలంగాణ): ఓల్డ్‌ అల్వాల్‌లోని జ్యోతినగర్‌ జంక్షన్‌ వద్ద నిర్మిస్తున్న బాక్స్‌ డ్రైన్‌ నిర్మాణ పనుల నేపథ్యంలో ఈ మార్గాల్లో పలు చోట్ల ట్రాఫిక్‌ను దారి మళ్లించనున్నట్లు సైబరాబాద్‌ ట్రాఫిక్‌ డీసీపీ టి.శ్రీనివాసరావు తెలిపారు. మంగళవారం నుంచి అమల్లోకి వచ్చిన ట్రాఫిక్‌ ఆంక్షలు ఈనెల 31వ తేదీ వరకు కొనసాగుతాయని డీసీపీ పేర్కొన్నారు.

ఆంక్షలు ఉన్న ప్రాంతాలు:

• రాజీవ్‌ రహదారి నుంచి సుచిత్ర వైపు వచ్చే వాహనాలను ప్రొ.జయశంకర్‌ విగ్రహం వద్ద దారిమళ్లించి తెలంగాణ తల్లి విగ్రహం, మీసేవ గోల్నాక, శ్రీ బేకరీ, అంబేద్కర్‌ విగ్రహం, అల్వాల్‌ ఐజీ విగ్రహం మీదుగా అనుమతిస్తారు.
• సుచిత్రా, అల్వాల్‌ ఐజీ విగ్రహం వైపు నుంచి రాజీవ్‌ రహదారి మీదుగా వెళ్లే వాహనాలను అల్వాల్‌ ఐజీ విగ్రహం- అంబేద్కర్‌ విగ్రహం వద్ద దారిమళ్లించి, శ్రీ బేకరీ, తెలంగాణ తల్లి విగ్రహం, మీసేవ గోల్నాక మీదుగా రాజీవ్‌ రహదారి వైపునకు అనుమతిస్తారు. ప్రజలు ఈ విషయాన్ని దృష్టిలో పెట్టుకొని ప్రత్యామ్నాయ మార్గాల ద్వారా తమ గమ్యస్థానాలకు చేరుకోవాలని డీసీపీ సూచించారు.