Hyderabad | గచ్చిబౌలిలో కారు బోల్తా.. డ్రైవర్‌ పరిస్థితి విషమం

Hyderabad | గచ్చిబౌలిలోని(Gachibowli) హైదరాబాద్‌ సెంట్రల్‌ యూనివర్సిటీ వద్ద రోడ్డు ప్రమాదం చోటు చేసుకుంది. బస్సును ఓవర్ టేక్ చేయబోయి ఆటోని ఢీకొని అదుపుతప్పి(Car overturned) ఓ స్విఫ్ట్ కారు బోల్తాపడింది.

October 27, 2024 / 11:43 AM IST

Hyderabad | గచ్చిబౌలిలో కారు బోల్తా.. డ్రైవర్‌ పరిస్థితి విషమం

హైదరాబాద్‌ : గచ్చిబౌలిలోని(Gachibowli) హైదరాబాద్‌ సెంట్రల్‌ యూనివర్సిటీ వద్ద రోడ్డు ప్రమాదం చోటు చేసుకుంది. బస్సును ఓవర్ టేక్ చేయబోయి ఆటోని ఢీకొని అదుపుతప్పి(Car overturned) ఓ స్విఫ్ట్ కారు బోల్తాపడింది. ఈ ప్రమాదంలో డ్రైవర్ కారులోనే ఇరుక్కుపోయాడు. గమనించిన స్థానికులు డ్రైవర్‌ను అతికష్టం మీద బయటకు తీశారు. ప్రమాద సమయంలో కారులో ముగ్గురు ప్రయాణిస్తుండగా, డ్రైవర్ పరిస్థితి విషమంగా ఉన్నట్లు తెలిసింది.

సమాచారం అందుకున్న పోలీసులు సంఘటన స్థలానికి చేరుకొని క్షతగాత్రులను బీరంగూడలోని ఓ ప్రైవేట్ హాస్పిటల్‌కు తరలించారు. కేసు నమోదు చేసి దర్యాప్తు చేపట్టారు. కాగా, కారులో మద్యం బాటిళ్లు లభ్య మైనట్లు సమాచారం. ఫుల్‌గా మద్యం సేవించి కారు నడుపడం వల్లే ప్రమాదం చోటు చేసుకుందని స్థానికులు తెలిపారు. పూర్తి వివరాలు తెలియాల్సి ఉంది.