సెలబ్రిటీ క్రికెట్‌ లీగ్‌ 2023లో.. అదరగొట్టిన తెలుగు వారియర్స్‌ టీమ్‌

సెలబ్రిటీ క్రికెట్‌ లీగ్‌(2023) మ్యాచ్‌లు జోరుగా సాగుతున్నాయి. లీగ్‌లో తెలుగు వారియర్స్‌ టీమ్‌ గెలుపు జోరు కొనసాగుతున్నది. ఆదివారం కేరళ స్ట్రైకర్స్‌తో జరిగిన మ్యాచ్‌లో తెలుగు వారియర్స్‌ అద్భుత విజయం సాధించింది.

• ‘మ్యాన్‌ ఆఫ్‌ ద మ్యాచ్‌’ దక్కించుకున్న అఖిల్‌

హైదరాబాద్‌, ఆట ప్రతినిధి: సెలబ్రిటీ క్రికెట్‌ లీగ్‌(2023) మ్యాచ్‌లు జోరుగా సాగుతున్నాయి. లీగ్‌లో తెలుగు వారియర్స్‌ టీమ్‌ గెలుపు జోరు కొనసాగుతున్నది. ఆదివారం కేరళ స్ట్రైకర్స్‌తో జరిగిన మ్యాచ్‌లో తెలుగు వారియర్స్‌ అద్భుత విజయం సాధించింది. తొలుత వారియర్స్‌ మొదటి ఇన్నింగ్స్‌లో నిర్ణీత 10 ఓవర్లలో 2 వికెట్లకు 148 పరుగులు చేసింది. కెప్టెన్‌ అఖిల్‌ అక్కినేని(85)టాప్‌ స్కోరర్‌గా నిలిచాడు.

తర్వాత లక్ష్య ఛేదనకు దిగిన కేరళ 10 ఓవర్లలో 98/5 పరిమితమైంది. ప్రిన్స్‌(4/18) రాణించాడు. 50 పరుగుల ఆధిక్యంతో రెండో ఇన్నింగ్స్‌కు దిగిన వారియర్స్‌ 10 ఓవర్లలో 119/4 స్కోరు చేసింది. అఖిల్‌(19 బంతుల్లో 65) అదరగొట్టాడు. 170 పరుగుల లక్ష్య ఛేదన కోసం రెండో ఇన్నింగ్స్‌కు దిగిన కేరళ 105/6 స్కోరుకు పరిమితమైంది. తమన్‌ (3/12) ఆకట్టుకున్నాడు. అఖిల్‌కు ‘మ్యాన్‌ ఆఫ్‌ ద మ్యాచ్‌’ దక్కింది.