హైదరాబాద్ వాతావరణ కేంద్రం నూతన డైరెక్టర్‌గా బాధ్యతలు స్వీకరించిన స్టెల్లా

హైదరాబాద్‌లోని భారత వాతావరణ శాఖ (IMD)వాతావరణ కేంద్రానికి అధిపతిగా ఎఫ్.ఎస్. స్టెల్లా అధికారికంగా బాధ్యతలు స్వీకరించారు.

హైదరాబాద్‌ : హైదరాబాద్‌లోని భారత వాతావరణ శాఖ (IMD)వాతావరణ కేంద్రానికి అధిపతిగా ఎఫ్.ఎస్. స్టెల్లా అధికారికంగా బాధ్యతలు స్వీకరించారు. ఇక్కడి నుంచి బదిలీ అయిన మాజీ డైరెక్టర్ కె. నాగారత్న స్థానంలో ఆమె నియమితులయ్యారు. ఎస్. స్టెల్లా గతంలో ఆంధ్రప్రదేశ్ లోని అమరావతి వాతావరణ కేంద్రానికి (Meteorological Centre) హెడ్, సైంటిస్ట్‌గా అద్భుతమైన సేవలు అందించారు.

అంతకుముందు ఆమె చెన్నైలోని రీజినల్ మెట్రోలాజికల్ సెంటర్‌లో అగ్రికల్చర్ ఫోర్‌కాస్టర్‌గా పనిచేశారు. ఆమె ఇంటర్నేషనల్ అంటార్కిటికా యాత్రలో పాల్గొన్న మొదటి ఐఎండీ మహిళా అధికారిణి.