సాంస్కృతిక క్షేత్రంగా సర్దార్‌ మహల్‌

నగర మేయర్‌ గద్వాల్‌ విజయలక్ష్మి అధ్యక్షతన జీహెచ్‌ఎంసీ ప్రధాన కార్యాలయంలో బుధవారం తొమ్మిదవ స్టాండింగ్‌ కమిటీ సమావేశం జరిగింది. ఈ సందర్భంగా 10 అంశాలకు సభ్యులు ఆమోదం తెలిపారు. ఈ సమావేశంలో కార్పొరేటర్లు మహ్మద్‌ అబ్దుల్‌ సలామ్‌ షాహిద్‌, మహపర, మిర్జా ముస్తఫా బేగ్‌, ప్రవీణ్‌ సుల్తానా

• పీపీపీ పద్ధతిన కట్టడం పునరుద్ధరణ
• ఇక్కడి కార్యాలయాలు మరోచోటకు తరలింపు
• కూకట్‌పల్లిలో రోడ్ల విస్తరణకు 76 ఆస్తుల సేకరణ
• ఓవైసీ జంక్షన్‌కు అబ్దుల్‌కలాం పేరు
• అశోక్‌ నగర్‌ వద్ద నాలాపై రూ.6 కోట్లతో బ్రిడ్జి నిర్మాణానికి టెండర్లు
• జీహెచ్‌ఎంసీ ఆదాయ, వ్యయాల వివరాలు సభ్యులకు అందజేత
• బల్దియా స్టాండింగ్‌ కమిటీలో 10 అంశాలకు ఆమోదం

సిటీబ్యూరో, మార్చి 30  : నగర మేయర్‌ గద్వాల్‌ విజయలక్ష్మి అధ్యక్షతన జీహెచ్‌ఎంసీ ప్రధాన కార్యాలయంలో బుధవారం తొమ్మిదవ స్టాండింగ్‌ కమిటీ సమావేశం జరిగింది. ఈ సందర్భంగా 10 అంశాలకు సభ్యులు ఆమోదం తెలిపారు. ఈ సమావేశంలో కార్పొరేటర్లు మహ్మద్‌ అబ్దుల్‌ సలామ్‌ షాహిద్‌, మహపర, మిర్జా ముస్తఫా బేగ్‌, ప్రవీణ్‌ సుల్తానా, మందగిరి స్వామి, బతా జబీన్‌, ఇ.విజయ్‌కుమార్‌ గౌడ్‌, మహ్మద్‌ రషీద్‌ ఫరాజుద్దీన్‌, ఎం.శ్రీనివాస రావు, ప్రేమ్‌ కుమార్‌, సీఎన్‌.రెడ్డి, రావుల శేషగిరి, సామల హేమ, కమిషనర్‌ డీఎస్‌.లోకేశ్‌ కుమార్‌, ఏసీ ఫైనాన్స్‌ అడిషనల్‌ కమిషనర్‌ కెనడి, జోనల్‌ కమిషనర్లు సామ్రాట్‌ అశోక్‌, శ్రీనివాస్‌ రెడ్డి, పంకజ, రవికిరణ్‌, మమత, ప్రియాంక అలా, సీసీపీ దేవేందర్‌ రెడ్డి, అడిషనల్‌ సీపీ శ్రీనివాస్‌, సీఈ దేవానంద్‌, అకౌంట్‌ చీఫ్‌ ఎగ్జామినర్‌ వెంకటేశ్వర్‌ రెడ్డి, కార్యదర్శి లక్ష్మి, తదితరులు పాల్గొన్నారు.

 

స్టాండింగ్‌ కమిటీలో.. ఆమోదించిన అంశాలు

• హుస్సేన్‌ సాగర్‌ సర్‌ ప్లస్‌ నాలా అశోక్‌ నగర్‌ వద్ద రూ.6 కోట్లతో బ్రిడ్జి నిర్మాణ పనులకు టెండర్లు
• శేరిలింగంపల్లి జోన్‌లో ఐకియా ఫె్లైఓవర్‌ (పిల్లర్‌ నం.5 టూ 20) వద్ద సెంట్రల్‌ మీడియన్స్‌, ట్రాఫిక్‌ ఐల్యాండ్‌ మెయింటెనెన్స్‌కు సీఎస్‌ఆర్‌ కింద యూనైటెడ్‌ వే ఆఫ్‌ హైదరాబాద్‌ తన సొంత నిధులతో ఒక సంవత్సర కాలానికి ఎంఓయూ అనుమతికి ఆమోదం
• కార్పొరేట్‌ సోషల్‌ రెస్పాన్స్‌ బిలిటీ కింద శేరిలింగంపల్లి జోన్‌ సరిల్‌ నం.20లో మైండ్‌ స్పేస్‌ ఫె్లైఓవర్‌ ఐకియా ఎదురుగా గ్రీనరీని మూడు సంవత్సరాల పాటు తమ సొంత నిధులతో మెయింటెన్స్‌ చేయుటకు ఎవోక్‌ టెక్నాలజీ ప్రైవేట్‌ లిమిటెడ్‌కు ఎంఓయూ చేసేందుకు..
• కూకట్‌పల్లి వడ్డేపల్లి ఎన్‌క్లేవ్‌ నుంచి ఎంఎస్‌ బాయమ్మ ఎన్‌క్లేవ్‌ వరకు 10 మీటర్ల ప్రతిపాదిత రోడ్డును 18 మీటర్లకు విస్తరణ. ఇందులో భాగంగా ఎంఎస్‌ బాయమ్మ ఎన్‌ క్లేవ్‌ నుంచి ఆల్విన్‌ కాలనీ పైప్‌ లైన్‌ రోడ్డు వరకు 76 ఆస్తుల సేకరణ కోసం ప్రభుత్వానికి ప్రతిపాదనలు
• ఓవైసీ హాస్పిటల్‌ జంక్షన్‌ మల్టీలెవల్‌ ఫ్లై ఓవర్‌ / గ్రేడ్‌ సపరేటర్‌కు డాక్టర్‌ ఏపీజే అబ్దుల్‌ కలాం పేరు
• జీహెచ్‌ఎంసీ ప్రధాన కార్యాలయంలోని కౌన్సిల్‌ మీటింగ్‌ హాల్‌లో న్యూ ఆడియో కాన్ఫరెన్సింగ్‌, ఇంటర్‌ ప్రిటేషన్‌ ఏర్పాటుకు రూ.3.80 కోట్ల నిధులు మంజూరు కోసం..
• శేరిలింగంపల్లి జోన్‌లో సరిల్‌ నం.19 యూసుఫ్‌ గూడ నం.99 వెంగళరావు నగర్‌లో అయ్యప్ప గ్రౌండ్‌ వద్ద మల్టీలెవల్‌ ఫంక్షన్‌ హాల్‌ నిర్మాణానికి రూ.540 లక్షలు మంజూరుకు..
• సరిల్‌ నం. 20 గచ్చిబౌలి ఫ్లై ఓవర్‌ వద్ద మూడు సంవత్సరాల పాటు న్యూ ఫైబర్‌ పాట్స్‌ మెయింటెన్స్‌ చేయడానికిగాను సీఎస్‌ఆర్‌ కింద తమ సొంత నిధులతో ఎవోక్‌ టెక్నాలజీస్‌ ప్రైవేట్‌ లిమిటెడ్‌తో ఎంఓయూ అనుమతికి కమిటీ ఆమోదం. వీటితో పాటు ఈ నెల 15వ తేదీ వరకు జీహెచ్‌ఎంసీ ఆదాయ, వ్యయాల వివరాల సమాచారం సభ్యులకు అందజేశారు.

సర్దార్‌ మహల్‌ పునరుద్ధరణకు చర్యలు
పబ్లిక్‌, ప్రైవేట్‌, పార్టనర్‌ షిప్‌ (పీపీపీ) ద్వారా సర్దార్‌ మహల్‌ను కల్చరల్‌ సెంటర్‌గా మార్చే ప్రతిపాదనలకు ఆమోదం. పాతబస్తీలోని సర్దార్‌ మహల్‌ను సాంస్కృతిక కేంద్రంగా తీర్చిదిద్దేందుకు కసరత్తు చేస్తున్నారు. ప్రస్తుతం ఇందులో కొనసాగుతున్న సర్కిల్‌ కార్యాలయాలను మరో చోటికి తరలించి సర్దార్‌ మహల్‌ను పునరుద్ధరించనున్నారు. దీన్ని కల్చరల్‌ సెంటర్‌గా మార్చనున్నారు. ప్రభుత్వ ఆదేశాల కోసం ప్రతిపాదనలు పంపారు.